In Ecclesiasten

[00001]    ΤΟΥ ΑΥΤΟΥ ΙΩΑΝΝΟΥ ΤΟΥ ΧΡΥΣΟΣΤΟΜΟΥ ΕΡΜΗΝΕΙΑ ΕΙΣ ΤΟΝ ΕΚΚΛΗΣΙΑΣΤΗΝ

[00002]    Πολλοὶ μὲν τῶν ἐπιεικεστέρων διαποροῦσιν ἐπὶ τοῦ βιβλίου τούτου, οἱ δὲ προπετέστεροι καὶ καταγελῶσιν.

[00003]    Ἵν' οὖν ἀμφοτέρων τὰ πάθη λύσωμεν, φέρε, ἀπὸ τοῦ τέλους αὐτοῦ συστήσωμεν.

[00004]    Πέρας λόγου τὸ πᾶν ἄκουε·

[00005]    τὸν θεὸν φοβοῦ καὶ τὰς ἐντολὰς αὐτοῦ φύλασσε, ὅτι δὴ τοῦτο πᾶς ἄνθρωπος·

[00006]    ὅτι σύμπαν τὸ ποίημα ἄξει ὁ θεὸς εἰς κρίσιν ἐν παντὶ παρεωραμένῳ, ἐάν τε ἀγαθὸν ἐάν τε κακόν·

[00007]    ὅπερ λέγει ὁ Χριστός·

[00008]    ἀποδώσει ἑκάστῳ κατὰ τὰ ἔργα αὐτοῦ.

[00009]    Καὶ ποίημα καὶ θεόν φησιν.

[00010]    Τί δεῖ πολλῶν λόγων;

[00011]    Ταῦτα οὖν εἰδότες, κἂν μὴ εὑρίσκωμέν τινα τῶν ἐγκειμένων, μὴ καταγινώσκωμεν τῶν ῥημάτων·

[00012]    ἐκεῖνα γὰρ ἴσως ἔχει ἔννοιαν μεγάλην καὶ δυνατήν.

[00013]    Καὶ γὰρ ὑψηλὸν τὸ βιβλίον καὶ ἠθικώτατον καὶ μουσικώτατον καὶ περὶ τῶν κατὰ τὸν βίον πολλῆς γέμον φιλοσοφίας.

[00014]    ∆ιὸ παρακαλῶ προσέχειν.

[00015]    ^[1] Ῥήματα Ἐκκλησιαστοῦ υἱοῦ ∆αυίδ.

[00016]    Καλῶς ἑαυτὸν Ἐκκλησιαστὴν ἐνταῦθα καλεῖ·

[00017]    καθάπερ οὖν ἐκκλησίαν συνιστάμενος, οὕτω τῇ οἰκουμένῃ διαλέγεται, περὶ τῶν κοινῶν πραγμάτων προθέμενος εἰπεῖν, ἅτε τοῦ κοινοῦ δεσπότου δοῦλος ὤν.

[00018]    Οὐ γὰρ πρὸς Ἰουδαίους διαλέγεται, καθάπερ οἱ λοιποί, ἀλλὰ πρὸς πᾶσαν <τὴν> κτίσιν καὶ τὴν οἰκουμένην.

[00019]    Φέρε οὖν, ὅσα βούλεσθε τῶν φιλοσόφων τούτοις παραβάλωμεν, καὶ εὑρήσομεν ἐκεῖνα εὐχερῆ ὄντα τῶν ἔξωθεν.

[00020]    Ῥήματα Ἐκκλησιαστοῦ υἱοῦ ∆αυίδ.

[00021]    Εἰκότως καὶ τὸν πατέρα φησὶν καὶ τὸν τόπον τῆς βασιλείας·

[00022]    Ἰσραὴλ ἐν Ἱερουσαλήμ·

[00023]    ἐπειδὴ γὰρ μετὰ τοῦτον οἱ βασιλεῖς τοῦ Ἰσραὴλ οὐκ ἐν Ἱερουσαλὴμ ἦσαν, ἀλλ' ἐν Σαμαρείᾳ.

[00024]    ∆ιὰ τοῦτο καλέσας, οὐ περὶ μικρῶν ἡμῖν διαλέγεται, ἀλλὰ περὶ τῶν μεγάλων πραγμάτων.

[00025]    Ματαιότης ματαιοτήτων, εἶπεν ὁ Ἐκκλησιαστής, <ματαιότης ματαιοτήτων>, τὰ πάντα ματαιότης.

[00026]    Καλῶς τίθησιν ἑαυτὸν ἐν τῷ μεταξύ, καὶ οὐ λέγει·

[00027]    εἶπεν ὁ θεός, ἀλλ' εἶπεν ὁ Ἐκκλησιαστής.

[00028]    Οὐ γὰρ πίστεως ἐνταῦθα ἔχρῃζεν, ἵνα τοῦ θεοῦ τὸ ἀξιόπιστον παρενέγκῃ, ἀλλά τινος αὐτόθεν δήλου ὄντος καὶ ἀπὸ λογισμῶν καὶ ἀπὸ τῆς τῶν πραγμάτων πείρας διδάσκοντος, ὡσανεὶ ἔλεγεν·

[00029]    ἔδει μὲν πάντας πάντα παρὰ τοῦ θεοῦ μανθάνειν·

[00030]    ἐπειδὴ δὲ οὐκ ἐβουλήθητε, ἀλλ' ἐπτόησθε, κἂν παρ' ἐμοῦ ἀκούσατε·

[00031]    διὰ τοῦτο οὖν συνέλθωμεν, ἵνα μάθωμεν ὅτι ματαιότης ματαιοτήτων, τὰ πάντα ματαιότης.

[00032]    Καὶ πάνυ·

[00033]    οὐ γὰρ μικρὸν πρὸς τὴν τῆς ἀληθείας εὕρεσιν τὸ ψεῦδος εἰδέναι καὶ τὴν ἀπάτην καὶ τὰ φαντάσματα.

[00034]    Ποῖα δὲ πάντα φησίν;

[00035]    καὶ τί ποτέ ἐστιν ματαιότης ματαιοτήτων;

[00036]    Πολλῷ γὰρ τῷ ἐπῳδῷ κέχρηται·

[00037]    ὥσπερ μάταιον τῇ γραφῇ καλεῖν ἔθος ἐστὶν τὸ μὴ κατά τινος πράγματος ὄν, εἰ νομίζεται μὲν εἶναι, οὐκ ἔστιν δέ.

[00038]    Τὰ εἴδωλα τῶν ἐθνῶν μάταια·

[00039]    οὐχ ὅτι εἴδωλα οὐκ ἔστιν [οὐκ] ἔστιν γάρ ἀλλ' ὅτι [μάταια] θεοὶ οὐκ εἰσίν.

[00040]    Ὅταν τὸ μὲν ὄνομα παρῇ, ἡ δὲ ὑπόθεσις καθεῖστο, ὄνομα μηκέτι, <ἀλλὰ> ψευδώνυμα·

[00041]    ὡς ἄν τις εἴποι φιλονεικῶν τὸν ἐν τῇ σκιᾷ ἄνθρωπον ἄνθρωπον εἶναι·

[00042]    οὐκ ἔστιν γάρ·

[00043]    οὐ γὰρ ἐπιδέχεται τὸν κατὰ τοῦ ἀνθρώπου λόγον·

[00044]    οὐκοῦν μάταιος ἐκεῖνος.

[00045]    Τίνος οὖν ἕνεκεν ματαιότης ματαιοτήτων;

[00046]    Ἐπίτασιν τοῦ πράγματος λέγει·

[00047]    ὡς ὅταν εἴπωμεν δόξα δοξῶν, τὴν ὑπερβάλλουσαν λέγομεν δόξαν, ἢ βασιλεὺς βασιλέων τὸν ὑπερβάλλοντα βασιλέα, οὕτω ματαιότης ματαιοτήτων.

[00048]    Ἀπὸ δὲ τοῦ ἐναντίου, εἰ βούλει, τὸν λόγον πειρασώμεθα κινῆσαι·

[00049]    δεῖ γὰρ ὑμᾶς μαθεῖν ἀκριβῶς τὴν λέξιν ταύτην.

[00050]    Ἀλήθεια ἀληθείας λέγομεν μεγάλη.

[00051]    Φῶς ἢ φῶς φωτός·

[00052]    τὸ μὲν γὰρ ἐν σκότει φῶς οὐκ ἂν εἴη μέγα·

[00053]    ὅταν δὲ ἐν φωτὶ φανῇ, τότε καὶ λέγομεν φῶς μέγα, οἷον ὁ ἥλιος ὁ αἰσθητός, φῶς φωτός.

[00054]    Ὁ δὲ ἥλιος τῆς δικαιοσύνης οὐ φῶς φώτων, ἀλλὰ φῶς ἀληθινόν.

[00055]    Βούλει δὲ καὶ περὶ σώματος;

[00056]    Καὶ αὐτὸ εἴπω·

[00057]    τὸ σῶμα φθαρτόν, ἡ δὲ κόνις φθορὰ φθορᾶς, ἢ ὡς εἴποιμεν βασιλεῖαι βασιλειῶν.

[00058]    Ὅταν καὶ τὴν σύγκρισιν πρὸς τὰ ὁμογενῆ ἔχῃς, καλὸς καλῶν πάνυ καλὸς ἂν εἴη.

[00059]    Ὥστε οὐχ ἁπλῶς ματαιότης, ἀλλὰ τοιαύτη μεθ' ἣν οὐκ ἂν εἴη ἑτέρα ματαιότης.

[00060]    Ἐννόησόν μοι σκιάν·

[00061]    τοῦτο ματαιότης ματαιοτήτων παρὰ ζωγραφίαν.

[00062]    Ὥσπερ γάρ ἐστιν ἀλήθεια ἀληθείας, οἷον ἡ τοῦ θεοῦ καὶ ἡ ἡμετέρα, οὕτως ματαιότης ματαιοτήτων, καὶ οὐχ ἁπλῶς ματαιότης, ἀλλὰ πάντων ματαιότης ἀνωτάτω.

[00063]    Πάντα ματαιότης.

[00064]    Τὰ πάντα ποῖα λέγει;

[00065]    Οὐρανόν, γῆν, θάλατταν, τόνδε τὸν κόσμον;

[00066]    Μὴ γένοιτο.

[00067]    Βλάσφημον γὰρ τὸ λεχθέν·

[00068]    τὰ γὰρ ἔργα τοῦ θεοῦ οὐκ ἂν εἴη μάταια, ἀλλὰ ἀληθῆ·

[00069]    καὶ πάντα γὰρ τὰ ἔργα σου, φησίν, ἀληθινὰ καὶ πᾶσαι αἱ ὁδοὶ αὐτοῦ κρίσεις.

[00070]    Περὶ ποῖα οὖν λέγει·

[00071]    ματαιότης ματαιοτήτων;

[00072]    ἢ οὐκ ἀρκεῖται ἅπαξ εἰπών, ἀλλ' ἐπιλέγει ἀεὶ οὕτως;

[00073]    Ἀπὸ διαθέσεως φθέγγεται τῷ διπλασιάζειν αὐτά.

[00074]    Μὴ φοβηθῶμεν, ἀγαπητοί, μὴ θορυβηθῶμεν, μὴ πλανηθῶμεν, μὴ πανταχοῦ περιαγάγωμεν τὸν λόγον.

[00075]    Ἐγγύθεν ὁ ἔλεγχος.

[00076]    Τί οὖν φησιν;

[00077]    Τίς περισσεία τῷ ἀνθρώπῳ ἐν παντὶ μόχθῳ αὐτοῦ ᾧ μοχθεῖ ὑπὸ τὸν ἥλιον;

[00078]    Εἶδες ποῖα πάντα φησίν;

[00079]    Τὰ τῶν ἀνθρώπων ἔργα τὰ βιωτικά, ἐμπορίας, καπηλείας, πραγματείας, δόξαν, πλοῦτον, τρυφήν.

[00080]    Καὶ ὅρα πῶς κατέβαλεν τὸ πρᾶγμα, καὶ ὅρα πῶς πρῶτον μὲν μόχθον καλέσας, ὃ προσίσταται μάλιστα τῷ ἀκροατῇ, εἶπεν δὴ καὶ ἀκερδῆ τὸν μόχθον.

[00081]    Καὶ οὐκ ἀποφαίνεται ἐνταῦθα, ἀλλ' ἐρωτᾷ·

[00082]    τίς περισσεία τῷ ἀνθρώπῳ;

[00083]    Ὃ καὶ σφόδρα θαρροῦντος ἦν τοῖς ἐλέγχοις καὶ πολλὴν ἐμφαῖνον τὴν βαρύτητα καὶ κατα γινώσκοντος ὡς μαινομένων καὶ εἰκῇ πάντα ποιούντων.

[00084]    Ὁ δεῖνα οἴκημα ἐδείματο, λαμπρὸν κατέστησεν.

[00085]    Τί τούτῳ τὸ ὄφελος;

[00086]    Οὐδέν.

[00087]    Τεχνίτας συνήγαγεν, χρήματα ἀνήλωσεν, τὴν ἐπιθυμίαν ἐπλήρωσεν, ἀπετέμετο ἑταίρας, ἀρρωστίας ὑπέμεινεν, φροντίδας, προσκρούσματα, χάριτας ᾔτησεν, πάντα συνέδραμεν.

[00088]    Τί τὸ περισσόν;

[00089]    εἰπέ μοι.

[00090]    Τί μικρὸν ἢ μέγα ἀπώνασθαι ἠδυνήθη;

[00091]    Ἕτερος πάλιν, κλῆρον πατρῷον παραλαβών, πόρνας ἔθρεψεν, ἀρχῆς ἐπέβη, μεγάλα εἰργάσατο.

[00092]    Τί τὸ πέρας, εἰπέ μοι, ἐν παντὶ μόχθῳ αὐτοῦ;

[00093]    Οὐ λέγω ὅτι τοῦ μόχθου τὸ μὲν καλόν, τὸ δὲ κακόν.

[00094]    Πάντα μοι φέρε εἰς μέσον καὶ οὐδὲν εὑρήσεις.

[00095]    Τὰ γὰρ τῆς εὐσεβείας οὐ μόχθου·

[00096]    τὸ γὰρ παραυτίκα ἐλαφρὸν τῆς θλίψεως εἰς ὑπερβολὴν βάρος δόξης ἡμῖν κατεργάζεται·

[00097]    καὶ δεῦτε πρός με πάντες οἱ κοπιῶντες·

[00098]    ἄρατε τὸν ζυγόν μου, ὅτι χρηστός, καὶ τὸ φορτίον μου ἐλαφρόν.

[00099]    Τοῦτο δὲ μόχθος, ἅτε μήτε τὸν θεὸν ἔχον συμπράττοντα, μήτε ταῖς ἐλπίσι κουφιζόμενον.

[00100]    Καὶ εἰ βούλει τὸν ἄνθρωπον αὐτὸν ἐλεγχόμενον εἰπεῖν μόχθον, βούλει καὶ οὐ παραιτοῦμαι.

[00101]    Οὗτος ὁ μόχθος ὑπὸ τὸν ἥλιον, ἐκεῖνος ὁ μόχθος οὐχ ὑπὸ τὸν ἥλιον, ἀλλ' ὑπὲρ τὸν ἥλιον.

[00102]    Ἡμῶν γὰρ τὸ πολίτευμα ἐν οὐρανοῖς ὑπάρχει.

[00103]    Ὁρᾷς πῶς εὐθέως ἐν ἀρχῇ καὶ ἐν προοιμίοις διωρίσατο περὶ ὧν ἔλεγεν;

[00104]    Περὶ τῶν ὑπ' οὐρανὸν πραγμάτων, περὶ τῶν μοχθηρῶν τούτων καὶ ἐπιπόνων περὶ ὧν οἱ ἄνθρω<ποι μοχθοῦσιν> *** ^[2] *** διακεῖσθαι καὶ μηδὲν αὐτὰ τίθεσθαι·

[00105]    ὃ καὶ Παῦλός φησιν·

[00106]    οὐκ ἐν τιμῇ τινι πρὸς πλησμονὴν τῆς σαρκός.

[00107]    Ὁ δὲ πονηρὸς † τίνι δίκην φησίν, τὸ συνάγειν † Ὅτι τῷ ἀνθρώπῳ τῷ ἀγαθῷ πρὸ προσώπου αὐτοῦ ἔδωκεν σοφίαν καὶ γνῶσιν καὶ εὐφροσύνην·

[00108]    καὶ τῷ ἁμαρτωλῷ ἔδωκεν περισπασμὸν τοῦ περισπασθῆναι καὶ τοῦ συναγαγεῖν.

[00109]    Τὸ μὴ ἀναπνεῖν, τὸ ἑτέροις μοχθεῖν·

[00110]    ὁρᾷς πῶς ἀπάγει τοῦ συνάγειν χρήματα, πῶς ἵστησιν τὴν ἐπιθυμίαν, πῶς ἐκκόπτει τὴν φαντασίαν, πῶς ἐξάγει πρὸς δαπάνην καὶ ἀνάλωσιν;

[00111]    Ὁ γὰρ ἀφ' ἑαυτοῦ κωλύων, πῶς ἑτέρῳ δώσει;

[00112]    Ὁ δὲ ἑαυτῷ παρέχων, πολλῷ μᾶλλον καὶ ἑτέρῳ·

[00113]    παιδεύεται γὰρ καταφρονεῖν χρημάτων.

[00114]    Μάθωμεν οὖν ὅτι τὸ μὲν καταφρονεῖν ἔργον τοῦ θεοῦ ἐστιν, τὸ δὲ τρυφᾶν περιττόν·

[00115]    εἰς ἀναγκαίας γὰρ ἀναλώσει χρείας.

[00116]    Οὐ γὰρ ἴσως ἂν παρεδέξατο τις ἀκούων ὅτι τὸ ἐλεεῖν ἔργον θεοῦ, ὡς ὁ ἀκούων ὅτι τὸ τρυφᾶν ἔργον θεοῦ.

[00117]    Μὴ φοβηθῇς ἀναλῶσαι·

[00118]    δίδωσίν σοι ὁ θεός·

[00119]    τούτοις χαίρει μάλιστα ἢ ἐκείνοις·

[00120]    ἐπεὶ ποῦ χρήσιμα τὰ παρόντα χρήματα;

[00121]    Συγκρίνει τοῦτον πρὸς τὸν ἀποτιθέμενον.

[00122]    Καὶ δείξει τῇ ψυχῇ αὐτοῦ ἀγαθόν.

[00123]    Ἐμοὶ δοκεῖ τὴν ἐλεημοσύνην λέγειν·

[00124]    τοῦτο γὰρ ὄντως ἀγαθόν, τοῦτο ψυχὴ ἀνθρώπου, ὅταν ἐλεῇ τὸ σῶμα τοῦ πλησίον.

[00125]    Ἀπ' ἐκείνου ἄρχεται καὶ εἰς τοῦτο λήγει.

[00126]    Οὐχ ἁπλῶς φησιν ἀγαθόν, ἀλλὰ πρὸς τὸν φειδωλὸν καὶ μικρολόγον, τὸν μικρόψυχον, εἶτα πάλιν φησίν·

[00127]    καί γε τοῦτο ματαιότης.

[00128]    ∆ιὰ τί τὸ συνάγειν;

[00129]    Ἕτερος γὰρ αὐτὸ λήψεται.

[00130]    ^[3] Τοῖς πᾶσιν χρόνος, καὶ καιρὸς τῷ παντὶ πράγματι ὑπὸ τὸν οὐρανόν.

[00131]    Ἐνταῦθα παιδευόμεθα μήτε ἀλγεῖν ἐπὶ τοῖς δεινοῖς, μήτε χαίρειν ἐπὶ τοῖς καλοῖς.

[00132]    Οὐ γὰρ δή, καθάπερ ἡμεῖς θορυβούμεθα καὶ λέγομεν ὅτι «συνέβη τόδε, οὕτω συμβαίνει ἀπὸ ἁμαρτίας ἡμετέρας», ἀλλὰ φύσιν τοιαύτην ὁ βίος ἔχει·

[00133]    πρὸς δὲ τὴν φύσιν ἀγανακτεῖν οὐ χρή.

[00134]    Ὥσπερ οὐ δυσχεραίνομεν ἐπὶ χειμῶνος, οὐδὲ ἐπὶ θέρους, οὕτως οὐδὲ ἐπὶ τοῖς παροῦσι πράγμασιν·

[00135]    ἕκαστον γὰρ δεῖ γενέσθαι καὶ ἕκαστον ἔχει καιρόν.

[00136]    Μὴ ὡς ἐπὶ παραδόξοις ἄλγει·

[00137]    ὥσπερ τὰ κακά, οὕτως καὶ τὰ καλὰ ἀνάγκη συμβῆναι·

[00138]    μᾶλλον δὲ οὐ κακά, ἀλλ' οὕτω φαινόμενα, οἷον δεῖ χαίρειν, ἀλλὰ καὶ ἀλγεῖν.

[00139]    Καὶ ὅρα πόθεν πιστοῦται τὸν λόγον·

[00140]    τοῦτο δὲ ἀπὸ τῶν συμβαινόντων παρ' ἡμῶν, δεικνὺς ὅτι ἀναγκαίως γίγνεται.

[00141]    Οὐκ ἀεὶ τὸ οἰκοδομεῖν καλόν, οὐκ ἀεὶ τὸ φυτεύειν, ἀλλ' ἔστιν ὅπου καὶ ἐναντίον καὶ οὐ μόνον καλόν.

[00142]    Καὶ ἄρχεται ἀπὸ τῶν συνεκτικῶν καὶ ὃ μάλιστα ἡδονῶν καὶ ἀθυμίας ἐστὶν αἴτιον.

[00143]    Καιρὸς τοῦ τεκεῖν καὶ καιρὸς τοῦ ἀποθανεῖν.

[00144]    Τί ἀλγεῖς ἐπὶ θανάτῳ;

[00145]    Μὴ γὰρ παρὰ προσδοκίαν γέγονεν;

[00146]    Μὴ γὰρ παρ' ἐλπίδας;

[00147]    Κατὰ καιρὸν ἦλθεν ἴσως ἀναγκαῖον τῷ γενέσθαι.

[00148]    Τὸ ἀποθανεῖν ταχύτερον, πῶς καὶ τίνι τρόπῳ ἴσως εὔκαιρον;

[00149]    Καιρὸς τοῦ φυτεύειν καὶ καιρὸς τοῦ ἐκτῖλαι τὸ πεφυτευμένον.

[00150]    Εἶτα αὐτὸ ἀπὸ τῶν φυτῶν πιστοῦται·

[00151]    μὴ ἀεὶ φυτεύειν δεῖ, οὐδὲ ἑστάναι;

[00152]    Καθάπερ γὰρ σὺ οὐ συγχωρεῖς τὰς γεγηρακυίας μένειν ἀμπέλους, ἀλλ' ἀναιρεῖς, οὕτω καὶ ὁ θεός·

[00153]    ἀκολουθία πραγμάτων ἐστίν, μὴ ἄλγει.

[00154]    Ὅρα πῶς χρήσιμον καὶ πρὸς εὐθυμίαν τὸ βιβλίον.

[00155]    Καιρὸς τοῦ ἀποκτεῖναι καὶ καιρὸς τοῦ ἰᾶσθαι.

[00156]    Καὶ ταῦτα ἐναντία.

[00157]    Καὶ ποῖος καιρὸς τοῦ ἀποκτέννειν;

[00158]    Οἷον τοὺς πονηρούς.

[00159]    Παρὰ τῷ θεῷ καιρὸς τούτου καὶ τούτου.

[00160]    Καιρὸς τοῦ καθελεῖν καὶ καιρὸς τοῦ οἰκοδομεῖν, καιρὸς τοῦ κλαῦσαι καὶ καιρὸς τοῦ γελάσαι.

[00161]    Καὶ ποῖος καιρός ἐστιν ἄκαιρος;

[00162]    Ὅτε ἄκαιρός ἐστιν ὁ γέλως καὶ ἄχρηστος.

[00163]    Εἰ γὰρ ἐκείνων τῶν γενικῶν καιρός, πολλῷ μᾶλλον τούτων δι' ἐ κεῖνα·

[00164]    οὐχ ἁπλῶς συμπτώματα ταῦτά ἐστιν;

[00165]    Καὶ ταῦτα ὁ θεὸς ὥρισεν·

[00166]    μὴ ἀεὶ γελᾶν, ἵνα μὴ διαχυθῶμεν, μὴ ἀεὶ κλαίειν, ἵνα μὴ καταπίπτωμεν.

[00167]    Καιρὸς τοῦ περιλαβεῖν·

[00168]    περὶ γάμου.

[00169]    Καιρὸς τοῦ ζητῆσαι καὶ καιρὸς τοῦ ἀπολέσαι.

[00170]    Καὶ μὴν ἐξ ἡμετέρας ῥαθυμίας γίγνεται.

[00171]    Μὴ νόμιζε, φησίν.

[00172]    Ἔστιν καιρὸς ὅτε δεῖ σε ἀπολέσαι.

[00173]    Ἢ ἵνα μὴ πενθῶμεν τοῦτό φησιν, ἢ, ἵνα καὶ ἑκόντες προώμεθα·

[00174]    ἔστιν ὅπου τὸ μὴ ζητῆσαι εὔκαιρον, ἀλλὰ βέλτιον ἀπολέσαι.

[00175]    Καιρὸς τοῦ φιλῆσαι καὶ καιρὸς τοῦ μισῆσαι·

[00176]    οὐκοῦν καὶ φιληθῆναι καὶ μισηθῆναι.

[00177]    Σύμπαντα ἃ ἐποίησεν καλὰ ἐν καιρῷ αὐτῶν.

[00178]    Τί τοίνυν μοχθεῖς;

[00179]    Πάντα θαυμαστά, πάντα ὅσα γέγονεν ἐν καιρῷ αὐτῶν καλά.

[00180]    Μὴ ἁπλῶς τὴν λύπην εἴπῃς, ἀλλὰ μετὰ τοῦ καιροῦ δεῖξόν μοι ταύτην, καὶ δείκνυμί σοι τῆς ἡδονῆς οὖσαν βελτίω καὶ τοῦ γέλωτος.

[00181]    ∆ιὸ καί φησιν·

[00182]    βέλτιον πορευθῆναι εἰς οἶκον πένθους ἢ εἰς οἶκον γέλωτος.

[00183]    Οὐδὲν τούτων αὐτὸ καθ' ἑαυτὸ καλόν, οὔτε κακόν·

[00184]    τὸ ἀποθανεῖν βέλτιον τοῦ γενέσθαι, οἷον ἐν γήρᾳ.

[00185]    Οὐδὲ γὰρ ἄλλο τι τοῦ καιροῦ χωρὶς καλόν, κἂν τροφὴν εἴπῃς, κἂν πότον.

[00186]    Καί γε σύμπαντα τὸν αἰῶνα ἔδωκεν ἐν καρδίᾳ αὐτῶν, ὅπως μὴ εὕρῃ ἄνθρωπος τὸ ποίημα ὃ ἐποίησεν ὁ θεὸς ἀπ' ἀρχῆς καὶ μέχρι τέλους.

[00187]    Οὐ βούλεται, φησίν, ὁ θεὸς τὰ ἔργα αὐτοῦ φανερὰ εἶναι τοῖς ἀνθρώποις, καταστέλλων αὐτῶν τὴν πολυπραγμοσύνην.

[00188]    Οὕτω, φησίν, τοὺς χρόνους κατεσκεύασεν σοφῶς, ὡς μὴ δύνασθαι εὑρεῖν τοὺς ἀνθρώπους τὰ γενόμενα·

[00189]    τὸ γὰρ πλῆθος τῶν ἡμερῶν ἴσως ἐπισκοτεῖ καὶ λήθην ἐμποιεῖ.

[00190]    Ἢ τοῦτό φησιν ὅτι, καίπερ τὸν χρόνον εἰδότες καθ' ὃν γίγνεται τὰ ἔργα, οὐ δυνατὸν συνιδεῖν.

[00191]    Ἔγνων ὅτι οὐκ ἔστιν ἀγαθὸν ἐν αὐτοῖς, εἰ μὴ τοῦ εὐφρανθῆναι καὶ τοῦ ποιεῖν ἀγαθὸν ἐν ζωῇ αὐτοῦ.

[00192]    Τοῦτό ἐστιν ποίημα ἀγαθόν, ἐλεῆσαι.

[00193]    Μέλλων γὰρ ἐπὶ εὐποιΐαν παρακαλεῖν, πρότερον αὐτὸ νομοθετεῖ, πάσχειν εὖ·

[00194]    ὁ γὰρ ἑαυτῷ χρηστὸς καὶ ἑτέρῳ ἔσται.

[00195]    Τοῦτο δόμα θεοῦ ἐστιν.

[00196]    Κἂν λέγῃ δόμα θεοῦ, τοῦτο ὥρισεν ὁ θεὸς μόνον εἶναι καλόν, ἀπὸ τοῦ μόχθου βουλόμενος ἡμᾶς ἀπαγαγεῖν τοῦ παρόντος βίου καὶ τοῦ ἐν τούτοις μοχθεῖν.

[00197]    Ἔγνων <ὅτι> πάντα, ὅσα ἐποίησεν ὁ θεός, αὐτὰ ἔσται εἰς τὸν αἰῶνα·

[00198]    ἐπ' αὐτῶν οὐκ ἔστιν προσθεῖναι καὶ ἀπ' αὐτῶν οὐκ ἔστιν ἀφελεῖν.

[00199]    Ἐνταῦθα πάλιν αὐτοῦ τὴν σοφίαν θαυμάζει, ὅτι οὕτως διαρκὲς καὶ ἀνελλιπὲς αὐτοῦ τὸ ἔργον ὡς πανταχοῦ ἀρκεῖν.

[00200]    Καὶ ὁ θεὸς ἐποίησεν, ἵνα φοβηθῶσιν ἀπὸ προσώπου αὐτοῦ.

[00201]    Ὅρα καὶ ταῦτα·

[00202]    οὐχ ἵνα παρασαλευθῶσιν μόνον, ἀλλ' ἵνα αὐτὸν καὶ θαυμάζωσιν·

[00203]    εἰκὸς οὖν τὰ πρὸς ὑπόθεσιν θεογνωσίας γεγενημένα, μεγάλα τινὰ καὶ θαυμαστά.

[00204]    Τὸ γενόμενον ἤδη ἐστίν, καὶ ὅσα τοῦ γίνεσθαι ἤδη γέγονεν.

[00205]    Τὰ δὲ τῶν ἀνθρώπων οὐ τοιαῦτα, ἀλλ' ἀεὶ γίγνεται.

[00206]    Καὶ ὁ θεὸς ζητήσει τὸν διωκόμενον.

[00207]    Ὅρα πῶς μεταξὺ φιλοσοφίας ἐντίθησιν ῥήματα καὶ οὐ λέγει ἐνταῦθα «ματαιότης» περὶ τῶν πασχόντων κακῶς·

[00208]    ἐπειδὴ γὰρ εἶπεν ὅτι δι' ἡμᾶς ἐποίησεν τὰ ἔργα, ὥστε αὐτὸν ἐπιγινώσκεσθαι, καὶ θεογνωσίας αἴτιον τοῦτο.

[00209]    Τί οὖν;

[00210]    φησίν, τὰς ἀδικίας πῶς περιορᾷ;

[00211]    Ἔρχεται λοιπὸν καὶ ἐπὶ τὸν τῆς προνοίας λόγον, ὅτι καὶ τοῦτο δείκνυσιν ὄντα τὸν θεόν.

[00212]    Ὁ θεὸς ζητήσει τὸν διωκόμενον·

[00213]    κἂν μὴ νῦν, ἀλλὰ μετὰ ταῦτα·

[00214]    ἀπὸ τῆς πείρας οἶδα ταῦτα, φησίν.

[00215]    Καὶ ἔτι εἶδον ὑπὸ τὸν ἥλιον τὸν τόπον τῆς κρίσεως, ἐκεῖ ὁ ἀσεβής, καὶ τὸν τόπον τοῦ δικαίου, ἐκεῖ ὁ εὐσεβής.

[00216]    Εἶδον καὶ κολαζομένους·

[00217]    ὅπερ καὶ ὁ πατὴρ αὐτοῦ φησιν.

[00218]    Καὶ εἶπα ἐγὼ ἐν καρδίᾳ μου·

[00219]    σὺν τὸν δίκαιον καὶ σὺν τὸν ἀσεβῆ κρινεῖ ὁ θεός.

[00220]    Καὶ ἐκεῖνος ἔπαθλον τῆς ἀρετῆς λήμψεται καὶ οὗτος τῆς κακίας.

[00221]    Εἶδον τὸν τόπον·

[00222]    οὐχὶ τόπον τῆς κολάσεως λέγει·

[00223]    ὑπὸ τὸν ἥλιον, γάρ φησιν·

[00224]    οὐ λέγω σοι τὰ μέλλοντα, εἶδον πολλαχοῦ συμβάντα ταῦτα.

[00225]    Ὅτι καιρὸς τῷ παντὶ πράγματι καὶ ἐπὶ παντὶ τῷ ποιήματι.

[00226]    Ὥστε μὴ ζητεῖν·

[00227]    οἶδεν τοὺς καιροὺς ὁ θεός, πότε καὶ πότε ἐκείνους κολασθῆναι δεῖ.

[00228]    Ἐκεῖ εἶπα ἐγὼ ἐν καρδίᾳ μου περὶ λαλιᾶς υἱῶν ἀνθρώπων, ὅτι διακρινεῖ αὐτοὺς ὁ θεός.

[00229]    Ἐκεῖ εἶπον·

[00230]    μὴ λάβῃς εἰς δόγματα ταῦτα, ἅπερ οὕτως διαπορῶν ἔλεγεν, ἐπεὶ καὶ ὁ ∆αυὶδ εἰσάγει τινὰ λέγοντα·

[00231]    καὶ εἶπον·

[00232]    ἄρα ματαίως ἐδικαίωσα τὴν καρδίαν μου καὶ ἐνιψάμην ἐν ἀθῴοις τὰς χεῖράς μου, καί·

[00233]    εἶπον ἐν τῇ ἐκστάσει μου·

[00234]    ἀπέρριμμαι ἀπὸ προσώπου τῶν ὀφθαλμῶν σου, καί·

[00235]    εἶπον ἐν τῇ εὐθηνίᾳ μου·

[00236]    οὐ μὴ σαλευθῶ εἰς τὸν αἰῶνα.

[00237]    Περὶ λαλιᾶς υἱῶν ἀνθρώπου ὅτι διακρινεῖ αὐτοὺς ὁ θεός·

[00238]    ἐπειδὴ πολλοὶ τοῦ θεοῦ κατηγοροῦ σιν καὶ διαγελῶσιν εἰκῇ, τότε αὐτοὺς παιδεύσει, τότε αὐτοὺς διδάξει.

[00239]    Καὶ τοῦ δεῖξαι ὅτι αὐτοὶ κτήνη εἰσὶν καί γε αὐτοῖς.

[00240]    Ὅρα τοίνυν ὃ καὶ νῦν γίγνεται.

[00241]    Πολλοὶ τοῦ θεοῦ κατηγοροῦσιν, πολλοὶ αὐτὸν ἄδικον εἶναί φασιν, πολλοὶ αὐτὸν μὴ προνοεῖν·

[00242]    οὗτοι τῶν κτηνῶν τί διαφέρουσιν;

[00243]    Ὅταν οὖν ὁ θεὸς τὸ κατ' ἀξίαν ἀπονέμῃ ἑκάστῳ, τοῦ καιροῦ καλοῦντος, τότε δείξει τὴν ἄνοιαν αὐτῶν, τότε διακρινεῖ αὐτούς.

[00244]    Ὅτι συνάντημα υἱῶν τοῦ ἀνθρώπου καὶ συνάντημα τοῦ κτήνους·

[00245]    ὡς ὁ θάνατος τούτου, οὕτως ὁ θάνατος τούτου.

[00246]    ∆είκνυσιν ὅτι θάνατος εἷς ἑκατέροις, σῶμα ἕν, πλάσις μία·

[00247]    καὶ εἰ τοῦτο ἀγνοοῦσιν εἰκότως κτήνη, ὅτι πνεῦμα ἓν τοῖς πᾶσιν.

[00248]    Καὶ τίς οἶδεν πνεῦμα υἱῶν τοῦ ἀνθρώπου [καὶ συνάντημα τοῦ κτήνους·

[00249]    ὡς ὁ θάνατος τούτου, οὕτως ὁ θάνατος τούτου.

[00250]    Καὶ τίς οἶδεν πνεῦμα υἱῶν τοῦ ἀνθρώπου] εἰ ἀναβαίνει ἄνω, καὶ πνεῦμα τοῦ κτήνους εἰ καταβαίνει κάτω εἰς τὴν γῆν;

[00251]    Τοῦτο δέ φησιν περὶ ἐκείνων, ὅτι κτήνη εἰσίν.

[00252]    Εἰ γὰρ ταῦτα ἑώρων καὶ περὶ ἀναστάσεως ἐφιλοσόφουν, οὐκ ἂν ταῦτα ἐφθέγξατο, οὐκ ἂν εἶπεν·

[00253]    ἐπεὶ ὅτι γε αὐτὸς οὐχ οὕτως διέκειτο δῆλον ἐκ τῶν μετὰ ταῦτα·

[00254]    ὅτι ἄξει ὁ θεὸς αὐτοὺς εἰς κρίσιν.

[00255]    Ὅτι τίς ἄξει αὐτὸν τοῦ ἰδεῖν ἐν ᾧ ἂν γένηται μετ' αὐτόν;

[00256]    Ἐπειδὴ πολλοὶ βούλονται καταλεῖψαι χρήματα, τίς αὐτὸν δυνήσεται ἐνεγκεῖν, ὥστε ἰδεῖν τὰ γενόμενα;

[00257]    φησίν.

[00258]    Ὅρα πῶς συνεχῶς αὐτοὺς τέως ἐμβάλλει εἰς τὸ καταφρονεῖν χρημάτων καὶ μὴ ζητεῖν μετὰ τὴν ἐντεῦθεν ἀποδημίαν.

[00259]    ^[4] Καὶ ἐπέστρεψα ἐγὼ καὶ εἶδον συμπάσας τὰς συκοφαντίας.

[00260]    Ἐπέστρεψα, τί ἐστιν;

[00261]    Ἐλογισάμην, φησίν, τὰ καλὰ τοῦ βίου καὶ εἶδον μάταια·

[00262]    εἶτα μετέβαλον ἐμαυτὸν καὶ ἐλογισάμην αὐτοῦ τὰ λυπηρὰ καὶ εἶδον ὑπερβάλλοντα.

[00263]    Τοῦτό ἐστιν ἐπέστρεψα.

[00264]    Ὅταν οὖν τὰ μὲν ἀγαθὰ αὐτοῦ μάταια, τὰ δὲ δεινὰ χαλεπά, τί τὸ κέρδος;

[00265]    εἰπέ μοι.

[00266]    Εἶδον δάκρυον τῶν συκοφαντουμένων καὶ οὐκ ἔστιν αὐτοὺς ὁ παρακαλῶν.

[00267]    Ἀπαρηγόρητα κλαίουσιν·

[00268]    δεινὸν γὰρ συκοφαντία.

[00269]    ∆εινόν·

[00270]    καὶ μὴν οὐκ ἔδει τοῦτο δεινὸν εἶναι, ἀλλὰ τοὐναντίον.

[00271]    Ὅταν γὰρ δικαστὴς μὴ καταδικάζῃ, τίνος ἕνεκεν θρηνεῖς;

[00272]    Ἀλλ' ὅμως οὕτω λυπηρὸν τὸ γένος τῶν ἀνθρώπων, ὡς καὶ ἐπὶ τούτῳ θρηνεῖν.

[00273]    Καὶ ἐπῄνεσα ἐγὼ σύμπαντας τοὺς τεθνηκότας, τοὺς ἤδη ἀποθανόντας ὑπὲρ τοὺς ζῶντας, ὅσοι ζῶσιν ἕως τοῦ νῦν·

[00274]    καὶ ἀγαθὸς ὑπὲρ τοὺς δύο τούτους ὅστις οὐκ ἐγένετο.

[00275]    Τοῦτο οὐκ ἔστιν αὐτοῦ ψῆφος, ἀλλὰ τῆς συγκεχυμένης διανοίας·

[00276]    πολλὰ γὰρ ἐν ἀθυμίᾳ φθεγγόμεθα, ἅπερ οὐκ ἀνάγκη φέρειν εἰς δογμάτων αὐθεντίαν.

[00277]    ∆ιὰ τοῦτο γάρ φησιν·

[00278]    εἶπον ἐν τῇ ἐκστάσει μου·

[00279]    πᾶς ἄνθρωπος ψεύστης·

[00280]    ὥστε οὐκ ἐμὴ ἡ ἀπόφασις, ἀλλὰ τῆς ἀθυμούσης ψυχῆς ἡ ψῆφος.

[00281]    Ἴδε τοῦτον ἀκούοντα καὶ ὁρῶντα καὶ βλέποντα, θρηνοῦντα ἐκείνους·

[00282]    οὕτω τὸ πάθος ἐτάραξεν.

[00283]    Πῶς εἰκὸς αὐτοὺς διακεῖσθαι;

[00284]    Πόσης ἄξιοι τιμωρίας ἂν εἶεν οἱ συκοφάνται;

[00285]    Εἰκότως καὶ οἱ τῶν ἔξωθεν νόμοι τοῖς αὐτοῖς ὑπάγουσιν αὐτοὺς ἐπιτιμίοις.

[00286]    Καὶ εἶδον ἐγὼ σύμπαντα τὸν μόχθον καὶ σύμπασαν ἀνδρείαν τοῦ ποιήματος, ὅτι τὸ ζῆλος ἀνδρὸς ἀπὸ τοῦ ἑταίρου αὐτοῦ καί γε τοῦτο ματαιότης.

[00287]    Τουτέστιν, τὸ νεωτερικὸν αὐτῶν τοῦτο.

[00288]    Ὅταν εὖ πράττωσιν, τότε πάλιν βασκανία, καὶ βασκανία καὶ παρὰ τοῦ οἰκείου·

[00289]    τοῦτό ἐστιν τὸ δεινόν, ὥστε, εἰ καὶ μὴ μάταια ἦν *** Ἀλλ' ἑτέρωθεν πάλιν ὅρα ἐναντίας δύο κακίας διωρισμένας, καὶ θαύμασον πῶς οὐδὲν ὄντα φθονεῖ δὲ ὡς μένοντα καὶ ἀεὶ ὄντα.

[00290]    Τί φθονεῖς τοῖς μὴ οὖσιν;

[00291]    φησίν.

[00292]    Ὁ ἄφρων περιέλαβεν τὰς χεῖρας αὐτοῦ καὶ ἔφαγεν τὰς σάρκας αὐτοῦ.

[00293]    Τουτέστιν, οὐδενὸς φείδεται, ἀλλ' εἰ δέοι καὶ ἑαυτὸν φαγεῖν, ἀφειδής ἐστιν καὶ ὠμός·

[00294]    τουτέστιν, συνέδησεν ἑαυτὸν καὶ κατέφαγεν.

[00295]    Ἀγαθὸν πλήρωμα δρακὸς ἀναπαύσεως ὑπὲρ πλήρωμα δύο δρακῶν μόχθου.

[00296]    Ἀγαθοὶ οἱ δύο ὑπὲρ τὸν ἕνα.

[00297]    Οὕτω καὶ ὁ Χριστός·

[00298]    οὗ εἰσιν δύο ἢ τρεῖς συνηγμένοι εἰς τὸ ἐμὸν ὄνομα, ἐκεῖ εἰμι ἐν μέσῳ αὐτῶν.

[00299]    Συνάγει ἡμᾶς καὶ διδάσκει ἀλλήλους φιλεῖν, εἰ καὶ μὴ οἰκεῖοι, διὰ τὴν χρείαν τὴν ἀναγκαίαν·

[00300]    ἐπειδὴ γὰρ εἶπεν περὶ ἑνὸς ἀπολαύοντος πλούτου, βέλτιον εἶναι δύο, εἰ δὲ καὶ τρεῖς πολλῷ κρεῖττον.

[00301]    Καὶ διδάσκει ἀπὸ τῶν πραγμάτων τῶν οἰκτρῶν καὶ βιωτικῶν·

[00302]    ἄν τε ἀναπαύεσθαι δέῃ ἄν τε πάσχειν κακῶς, μεγάλη ἡ συμπάθεια.

[00303]    Ἀγαθοὶ οἱ δύο ὑπὲρ τὸν ἕνα, οἷς ἐστιν αὐτοῖς μισθὸς ἐν μόχθῳ αὐτῶν·

[00304]    ὅτι ἐὰν πέσωσιν, ὁ εἷς ἐγείρει τὸν μέτοχον αὐτοῦ, καὶ οὐαὶ τῷ ἑνί, ὅταν πέσῃ <καὶ μὴ ᾖ δεύτερος τοῦ ἐγεῖραι αὐτόν.

[00305]    Καί γε ἐὰν κοιμηθῶσιν δύο, καὶ θέρμη αὐτοῖς·> καὶ ὁ εἷς πῶς θερμανθῇ;

[00306]    Καὶ <ἐὰν> συνεκραταιώθη ὁ εἷς, οἱ δύο στήσονται κατέναντι αὐτοῦ, καὶ τὸ σπαρτίον τὸ ἔντριτον οὐ ταχὺ ἀπορραγήσεται.

[00307]    Ὁ εἷς, φησίν, οὐδὲ ἀναστῆναι δυνήσεται, οὐδὲ ἀναπαύεσθαι·

[00308]    οἱ δὲ δύο καὶ ἐν συμφοραῖς μέγα εἰσίν.

[00309]    Τὸ δὲ σπαρτίον τὸ ἔντριτον οὐ ταχὺ ἀπορραγήσεται.

[00310]    Ἐπὶ σχοινίου, φησίν, μεγάλη ἀσφάλεια ἡ συνάφεια·

[00311]    οὐ πολλῷ μᾶλλον ἐπὶ ἀνθρώπου ἡ ὁμόνοια καὶ ἡ ἀγάπη;

[00312]    Ἀγαθὸς παῖς πένης καὶ σοφὸς ὑπὲρ βασιλέα πρεσβύτερον καὶ ἄφρονα·

[00313]    ὅτι ἐξ οἴκου δεσμῶν ἐξελεύσεται τοῦ βασιλεῦσαι, ὅτι καί γε ἐν βασιλείᾳ αὐτοῦ ἐγενήθη πένης.

[00314]    Ἐκεῖνος μέν, φησίν, καὶ ἐν βασιλείᾳ πένης, οὗτος δὲ ἀπὸ δεσμοῦ θαυμαστὸς ἔσται.

[00315]    Οὐδὲν ἐκεῖνον ἐκώλυσεν τὰ δεσμά, οὐδὲν τοῦτον ὤνησεν ἡ βασιλεία.

[00316]    Οὐκ ἔστιν περασμὸς τῷ παντὶ λαῷ, τοῖς πᾶσιν ὅσοι ἐγένοντο ἔμπροσθεν αὐτοῦ.

[00317]    Τουτέστιν, ὑπερβάλλοντα ἦν τὰ ἤδη γεγενημένα, λῦσαι δεινά·

[00318]    οὗτος δὲ ἱκανός ἐστιν καὶ τοῖς μετὰ ταῦτα ἀποδοῦναι ἄδειαν πολλήν·

[00319]    ὥσπερ ἐκεῖνοι οὐ λυποῦνται διὰ τοῦτον, οὕτως οὗτοι [οὐκ] εὐφραίνονται διὰ τοῦτον.

[00320]    Ὁ μὲν γὰρ πονηρὸς καὶ τοὺς μετ' αὐτὸν λυπεῖ, ὁ δὲ ἀγαθὸς καὶ τοὺς πρὸ αὐτοῦ εὐφραίνει.

[00321]    Καί γε οἱ ἔσχατοι οὐκ εὐφρανθήσονται ἐπ' αὐτῷ.

[00322]    Ἢ πάλιν ἐκεῖνός φησιν ὅτι καὶ τοὺς πρὸ αὐτοῦ καὶ τοὺς μετ' αὐτὸν λυπήσει ὁ πονηρός.

[00323]    Ὅτι καί γε τοῦτο ματαιότης·

[00324]    οἷον ἄνθρωπος, ἐὰν ᾖ.

[00325]    Φύλαξον τὸν πόδα σου ἐν ᾧ ἂν πορεύῃ εἰς οἶκον θεοῦ.

[00326]    Τουτέστιν, καθαρὸς ἔσῃ ἁρπαγῆς, πλεονεξίας·

[00327]    ὀξεῖς οἱ πόδες αὐτῶν ἐκχέαι αἷμα.

[00328]    Ἢ τοῦτό φησιν·

[00329]    μὴ τοῖς αὐτοῖς ποσὶν καὶ εἰς κακίαν καὶ εἰς οἶκον θεοῦ τρέχε, ἐπεὶ κἀν ἐκείνῳ τῷ χρόνῳ καὶ ἔγγισον τοῦ ἀκούειν·

[00330]    τουτέστιν, πείθου τῷ θεῷ·

[00331]    τοῦτο γὰρ ὑπὲρ θυσίασμα γένοιτο.

[00332]    Ὅτι οὔκ εἰσιν εἰδότες τοῦ ποιεῖν κακά.

[00333]    Τοιοῦτοι οἱ ἀκούοντες οὐδὲ εἴσονται κακίαν.

[00334]    Πῶς γάρ;

[00335]    Ὥσπερ οἱ καλὰ σιτούμενοι οὐδὲ ὅ τι ποτέ ἐστιν ἀρρωστία ἐπίστανται.

[00336]    ^[5] Μὴ σπεῦδε ἐπὶ στόματί σου, καὶ καρδία σου μὴ ταχυνέτω τοῦ ἐξενέγκαι λόγον πρὸ προσώπου τοῦ θεοῦ.

[00337]    Πάλιν ἐνταῦθα κελεύει μὴ ἁπλῶς μηδὲ ὡς ἔτυχεν ὑπισχνεῖσθαι τῷ θεῷ.

[00338]    Ὅτι ὁ θεὸς ἐν τῷ οὐρανῷ καὶ σὺ ἐπὶ τῆς γῆς·

[00339]    διὰ τοῦτο ἔστωσαν οἱ λόγοι σου ὀλίγοι.

[00340]    Τουτέστιν, δυνήσεταί σε κολάσαι.

[00341]    Εἰ γὰρ ἀνθρώπῳ πολλάκις διαλεγόμενος ἁμαρτήσει, πολλῷ μᾶλλον τῷ θεῷ.

[00342]    Ὅτι παραγίνεται ἐνύπνιον ἐν πλήθει πειρασμοῦ καὶ φωνὴ ἄφρονος ἐν πλήθει λόγων.

[00343]    Ἐνταῦθα τὴν φαντασίαν φησίν·

[00344]    τὰ ψευδῆ πράγματα ἐνύπνιά φησιν·

[00345]    συμβαίνει γάρ σε καὶ ψεύσασθαι.

[00346]    Ὁρᾷς πόσα περὶ ὑποσχέσεως φησίν;

[00347]    Καθὼς εὔξῃ εὐχὴν τῷ θεῷ, μὴ χρονίσῃς τοῦ ἀποδοῦναι αὐτήν·

[00348]    οὐκ ἔστιν θέλημα ἐν ἄφροσιν.

[00349]    Σὺ οὖν ὅσα ἂν εὔξῃ ἀπόδος.

[00350]    Ἀγαθὸν τὸ μὴ εὔξασθαί σε ἢ τὸ εὔξασθαί σε καὶ μὴ ἀποδοῦναι.

[00351]    Μὴ δῷς τὸ στόμα σου τοῦ ἐξαμαρτῆσαι τὴν σάρκα σου.

[00352]    Μὴ πάσας βουλεύου βουλὰς ὡς γινομένας τὴν σάρκα ἀπολλύειν, οἷον μοιχείας, πορνείας.

[00353]    Μὴ εἴπῃς πρὸ προσώπου τοῦ θεοῦ ὅτι·

[00354]    ἄγνοιά ἐστιν, Ὁρᾷς πόσος σου προνοίας λόγος, ἵνα μὴ καὶ τούτου δίκην δῷς καὶ διαφθαρῇ τὰ ποιήματα τῶν χειρῶν σου, ὅτι ἐν πλήθει ἐνυπνίων καὶ ματαιοτήτων καὶ λόγων πολλῶν.

[00355]    Τὰ ποιήματά σου·

[00356]    τὰ ψευδῆ καὶ πεφαντασμένα καὶ οὐδὲν ἔχοντα ἀληθές.

[00357]    Ἐὰν συκοφαντίαν πένητος καὶ ἁρπαγὴν κρίματος καὶ δικαιοσύνης ἴδῃς ἐν χώρᾳ, μὴ θαυμάσῃς ἐπὶ τῷ πράγματι.

[00358]    Μὴ θαύμαζε, φησίν, ἐπὶ ταῖς ἀδικίαις.

[00359]    Ὑψηλὸς ἐπάνω ὑψηλοῦ.

[00360]    Τοῦ γὰρ ἀδικοῦντος ἕτερός ἐστιν πολέμιος.

[00361]    Καὶ ὑψηλοὶ ἐπ' αὐτοῖς.

[00362]    [Καὶ περισσεία γῆς.] Ὥσπερ οὐκ ἔστιν οὗτος μόνος ὑψηλός, ἀλλὰ καὶ ἄλλος.

[00363]    Καὶ περισσεία γῆς.

[00364]    Ὥσπερ αὕτη πολλή, οὕτως καὶ ὑψηλὴ ἡ πρόσοδος.

[00365]    Ἢ ὅτι ἔχει δοῦναι τῷ ἀδικουμένῳ.

[00366]    Ἵνα γὰρ μὴ λέγῃς·

[00367]    καὶ τί τὸ ὄφελος;

[00368]    Μετὰ τὸ ἀδικηθῆναι οὐχ ὁρᾷς πλουτοῦντα.

[00369]    Εἶτα καὶ ἑτέρωθεν·

[00370]    Ἀγαπῶν ἀργύριον οὐ πλησθήσεται ἀργυρίου·

[00371]    καὶ τίς ἠγάπησεν ἐν πλήθει αὐτοῦ γένημα;

[00372]    Τουτέστιν, τὸν πόθον αὐτῶν στῆσαι ἀδύνατον.

[00373]    Κἂν ἅπαντα λάβῃ, πλειόνων ἐφίεται, ὥστε τὸν μέλλοντα ἀργυρίου ἐμπίμπλασθαι οὐ πολλὰ περιβάλλεσθαι χρή, ἀλλὰ τὸν πόθον καταλῦσαι τὸν περὶ τὰ χρήματα.

[00374]    Ἄν τε χρήματα ἄν τε γενήματά τις φιλῇ, περιττὸν οὐδέν.

[00375]    Τοῦτο περιττόν, ὅτι πολλοὶ οὐ θέλουσι τὰ γενήματα αὐτῶν.

[00376]    Καί γε τοῦτο ματαιότης.

[00377]    Ἐν πλήθει ἀγαθωσύνης ἐπλήσθησαν ἐσθίοντες αὐτήν·

[00378]    καὶ <τί> ἀνδρεία τῷ παρ' αὐτῆς;

[00379]    Ὅτι ἀρχὴ τοῦ ὁρᾶν ὀφθαλμοῖς αὐτοῦ.

[00380]    Τί τὸ περισσόν;

[00381]    φησίν.

[00382]    Ἀνδρεία πεποιημένη, ἄνω εἶπεν·

[00383]    τουτέστιν, τί τὸ κέρδος ἀπὸ τῆς εὐφορίας;

[00384]    Τὸ συνεχῶς ἐνορᾶν, πλέον δὲ οὐδέν, καὶ ἀρχὴν λαμβάνειν τοῦ βλέπειν εἰς αὐτά.

[00385]    Εἶτα ἑτέρωθεν αὐτὸ βάλλει πάλιν.

[00386]    Γλυκὺς ὁ ὕπνος τοῦ δούλου, εἰ ὀλίγον, εἰ πολὺ φάγεται.

[00387]    Ὅτι γὰρ οὐδὲν τὸ περισσόν ἐστιν, ὁμοῦ ἡδονὴ παραγίνεται καὶ ἐν τούτῳ καὶ ἐν ἐκείνῳ.

[00388]    Οὐ διὰ τοῦτο πάντα ποιοῦμεν, δι' ἡδονήν;

[00389]    Καὶ τῷ ἐμπλησθέντι τοῦ πλουτῆσαι οὐκ ἔστιν ὁ ἀφίων αὐτὸν τοῦ καθεύδειν.

[00390]    Ὁ δὲ ἀπολαύων πλειόνων οὐ δύναται καθεύδειν ἐν ἡδονῇ.

[00391]    Εἶτα λέγει ὅτι οὐδὲ εἰς αὐτοὺς παραπέμπεται ὁ πλοῦτος.

[00392]    Ἔστιν ἀρρωστία ἣν εἶδον ὑπὸ τὸν ἥλιον, πλοῦτον φυλασσόμενον τῷ παρ' αὐτοῦ εἰς κακίαν αὐτοῦ, καὶ ἀπολεῖται ὁ πλοῦτος ἐκεῖνος ἐν περισπασμῷ πονηρῷ, καὶ ἐγέννησεν υἱὸν καὶ οὐκ ἔστιν ἐν χειρὶ αὐτοῦ οὐδέν.

[00393]    Καθῶς ἐξῆλθεν ἀπὸ γαστρὸς μητρὸς αὐτοῦ γυμνός, ἀποστρέψει τοῦ πορευθῆναι ὡς ἥκει.

[00394]    Ὅταν γὰρ ἴσως ἀφικνεῖται ὥσπερ ἦλθεν γυμνός, τί τὸ κέρδος;

[00395]    Ὅσα ἐνομοθέτησεν ὁ θεός, οὐκ ἀφίησιν μετ' αὐτῶν ἀπελθεῖν.

[00396]    Πολλάκις καὶ ἐνταῦθα ὄντας κατέλειψεν·

[00397]    πολλάκις μὴ καταλειφθείς, πλείοσιν κακοῖς περιέβαλεν τοὺς λοιπούς.

[00398]    ^[6] Ἐὰν γεννήσῃ ἀνὴρ ἑκατὸν καὶ ἔτη πολλὰ ζήσεται, καὶ ψυχὴ αὐτοῦ <οὐκ> ἐμπλησθήσεται, καί γε ταφὴ οὐκ ἐγένετο αὐτῷ, εἶπα·

[00399]    ἀγαθὸν ὑπὲρ αὐτὸν τὸ ἔκτρωμα.

[00400]    Ἑλώμεθα τοῦτον ὑπὲρ τοῦτον τήμερον.

[00401]    Τὸ ἔκτρωμα, τί φησιν;

[00402]    Μᾶλλον ὑπὲρ ἐκεῖνον ἀναπαυέσθω οὗτος.

[00403]    Πᾶς μόχθος τοῦ ἀνθρώπου εἰς τὸ στόμα αὐτοῦ.

[00404]    Ὅρα πῶς λανθανόντως διαβάλλει τὴν τρυφήν.

[00405]    Ὅσα ἂν μοχθήσῃς οὐκ ἐκεῖ τελευτᾷ;

[00406]    Τίνος ἕνεκεν πολλὰ περιβάλλῃ;

[00407]    Τίνος ἕνεκεν φείδῃ;

[00408]    Τίνος ἕνεκεν οὐκ ἀναλίσκεις;

[00409]    Τίνος ἕνεκεν φοβῇ καὶ πλειόνων ἐφίεσαι;

[00410]    Οὐχ ἓν στόμα μέλλει δέχεσθαι τὸ πᾶν;

[00411]    Τί σοι πλέον κτᾷ φειδωλίας;

[00412]    Οὐκ εἰς αὐτὸν ἀπελεύσῃ τὸν τόπον τῷ τρυφήσαντι;

[00413]    Ὅτι περισσεία τῷ σοφῷ ὑπὲρ τὸν ἄφρονα;

[00414]    Ἄρα ἀπὸ συνέσεως τοῦτο.

[00415]    ∆ιότι ὁ πένης οἶδεν πορευθῆναι κατέναντι τῆς ζωῆς.

[00416]    Ὅταν γὰρ πένης μὲν τρυφᾷ, πλούσιος δὲ μηκέτι, οὐκ ἀπὸ σοφίας καὶ ἀνοίας τοῦτο;

[00417]    Ἀγαθὸν ὅραμα ὀφθαλμῶν ὑπὲρ περίσσευμα ψυχῇ.

[00418]    Βέλτιον εὐφραίνεσθαι, φησίν, τοῖς ὀφθαλμοῖς ἢ ἔχειν ἀποκείμενα ἐκεῖνα ἃ οὐ βλέπει ὀφθαλμός.

[00419]    Καί γε τοῦτο ματαιότης καὶ προαίρεσις πνεύματος.

[00420]    Εἴ τι ἐγένετο, ἤδη κέκληται ὄνομα αὐτοῦ.

[00421]    Τουτέστιν, γνωστὰ τοῖς ἀνθρώποις ἐστίν.

[00422]    Καὶ ἐγνώσθη ὅ ἐστιν ἄνθρωπος·

[00423]    οὐδέν.

[00424]    Οὐ δυνήσεται κριθῆναι μετὰ τοῦ ἰσχυροῦ ὑπὲρ αὐτόν.

[00425]    Μετὰ τοῦ θεοῦ, φησίν·

[00426]    οὐ δυνήσεται τὸν λόγον αὐτὸν ἀπαιτῆσαι.

[00427]    Ὅτι εἰσὶ λόγοι πολλοὶ πληθύνοντες ματαιότητα.

[00428]    Ὅτι ἐν πολλοῖς λόγοις ἐλέγχεται, ἢ ὅτι καὶ αὐτὸς πολλὰ ποιεῖ μάταια.

[00429]    Οὐ δύναται ἐγκαλέσαι ὑπὲρ τῆς φύσεως, ὅτι φθαρτή·

[00430]    καὶ γὰρ ὁ βίος αὐτοῦ πολλῷ χείρων.

[00431]    Ὅτι τίς οἶδεν τί ἀγαθὸν [ἐν] τῷ ἀνθρώπῳ ἐν τῇ ζωῇ αὐτοῦ;

[00432]    Οὐδεὶς οἶδεν.

[00433]    Οὐκ ἆρα ἔγκλημα;

[00434]    Πάνυ·

[00435]    δι' αὐτὸ τοῦτο ὅτι οὐκ ἴσασιν τὸ συμφέρον, ἀλλ' ὥσπερ ἐν σκότῳ οἰκοῦσιν, ὥστε οὔτε κριθῆναι δύνανται πρὸς τὸν θεόν, οὐδέ τι ἀποκρίνασθαι ἴσασιν.

[00436]    Ταχέως αὐτὸ ἐρεῖ.

[00437]    Οἱ δὲ τὰ οἰκεῖα συμφέροντα ἀγνοοῦντες, πῶς δυνήσονται δικάζεσθαι τῷ θεῷ;

[00438]    Ἀριθμὸν ἡμερῶν ζωῆς ματαιότητος αὐτοῦ·

[00439]    καὶ ἐποίησεν αὐτὰ ἐν σκιᾷ.

[00440]    Ἐποίησεν αὐτὰ ἀφανῆ·

[00441]    τοῦτο γάρ ἐστιν ὡς ἐν σκιᾷ.

[00442]    Ὅτι τίς ἀπαγγελεῖ τῷ ἀνθρώπῳ τί ἔσται ὀπίσω αὐτοῦ ὑπὸ τὸν ἥλιον;

[00443]    Τὰ γὰρ πράγματα κατὰ πάντα τὸν βίον κρίνει ὁ θεός·

[00444]    πολλάκις τὸ τέλος τῶν πραγμάτων ἐν ἑτέρᾳ γενεᾷ ἔδωκεν, ὥστε τὸν μέλλοντα τὴν κρίσιν αὐτοῦ μανθάνειν ζῆν ἀεὶ χρόνον.

[00445]    Ὃ δὲ λέγει τοιοῦτόν ἐστιν·

[00446]    εἰ καὶ μηδὲν ἕτερον, τὸ ὀλιγοχρόνιον ἡμᾶς ἀφαιρεῖται.

[00447]    Τί γάρ;

[00448]    Εἰ μέλλεις ἐγκαλεῖν τῷ θεῷ ὅτι σε ταχέως ἀνήρπασεν ἀπὸ τοῦ κόσμου, εἶτα μετὰ ταῦτα συνέβη δεινὰ εἶναι, οὐκ ἔχων εἰδέναι αὐτὰ τὰ μετὰ σέ, οὐδὲν ἔχεις λέγειν, ἀλλὰ ἁλίσκῃ.

[00449]    ^[7] Ἀγαθὸν ὄνομα ὑπὲρ ἔλεον ἀγαθόν.

[00450]    Τουτέστιν, βέλτιον ἀπολαύειν φήμης καλῆς καὶ σῴζεσθαι, ἢ ἀπὸ ἐλέου·

[00451]    ἐκεῖνος γὰρ ὑπεύθυνος.

[00452]    Πῶς οὖν λέγεις·

[00453]    τίς οἶδεν τὸ ὄντως ἀγαθόν;

[00454]    Οὐκ ἴσμεν.

[00455]    Τέως δὲ ἃ ἴσμεν, ταῦτά ἐστιν.

[00456]    Καὶ ἡμέρα τοῦ θανάτου ὑπὲρ ἡμέραν γενέσεως αὐτοῦ.

[00457]    Τὸ μὲν γὰρ ἀνάπαυσις, τὸ δὲ προοίμιον πόνων.

[00458]    Ἀγαθὸν πορευθῆναι εἰς οἶκον πένθους.

[00459]    Τουτέστιν εὔκολον·

[00460]    τὸ γὰρ ἀγαθὸν ἐνταῦθα τοῦτό φησιν, τὸ ῥᾴδιον.

[00461]    Ἢ πορευθῆναι εἰς οἶκον πότου, καθότι τοῦτο τέλος παντὸς ἀνθρώπου.

[00462]    † Καὶ εἶχεν ἀντιδοῦναι οὐδεὶς ὁ μὴ δυνάμενος ταύτην ἀποδοῦναι τὴν ἀμοιβήν, ἐκείνην δὲ χάριτι πάντως·

[00463]    † ἐκεῖθεν φθόνος καὶ βασκανία.

[00464]    Ἱκανὴν ἔχεις παραμυθίαν τὸ μηδένα διαφυγεῖν·

[00465]    ἐκεῖθεν εὐφροσύνην λήψονται.

[00466]    Ὁρᾷς ἐν τοῖς δεινοῖς σοι κοινωνοῦντας ἅπαντας·

[00467]    *** ἐντεῦθεν λύπην πολλάκις καὶ βλασφημίαν·

[00468]    μάλιστα γὰρ τὰ μὴ ὄντα καθολικὰ λυπεῖ καλὰ ὄντα, τὰ δεινὰ εὐφραίνει.

[00469]    Καὶ ὁ ζῶν δώσει ἀγαθὸν ἐν καρδίᾳ αὐτοῦ.

[00470]    ∆ώσει πρὸς καρδίαν αὐτοῦ παραμυθίαν, οὐ τῇ ψυχῇ, οὐχὶ *** τὸν ἀπελθόντα·

[00471]    τετίμηκα<ς> δὲ τοὺς προσήκοντας παρακαλέσας, ἀλλὰ σαυτῷ μᾶλλον τὴν παραμυθίαν ποριζόμενος.

[00472]    ∆ιπλᾶ τὰ ἀγαθά·

[00473]    ὅτε ἀπελθὼν ἀνεπαύσατο, ὅτε ἔτι μένων οὐκ ἤλγησεν ἐπὶ τοῖς δεινοῖς.

[00474]    Ὅτι ὡς φωνὴ τῶν ἀκανθῶν ὑπὸ τὸν λέβητα, οὕτως γέλως τῶν ἀφρόνων·

[00475]    καί γε τοῦτο ματαιότης.

[00476]    Ἄσημος, ἀηδής, ἀκερδής, ἀνωφελής.

[00477]    Μὴ εἴπῃς·

[00478]    τί ἐγένετο ὅτι αἱ ἡμέραι αἱ πρότεραι ἦσαν ἀγαθαὶ ὑπὲρ ταύτας;

[00479]    ὅτι οὐκ ἐν σοφίᾳ ἠρώτησας περὶ τούτου.

[00480]    Εἰ γὰρ ἐξετάσεις καὶ τούτων τὰ χρηστά, εἶδες ἂν πολὺ τὸ ἀντίρροπον·

[00481]    ἤ, εἰ μὴ τοῦτο·

[00482]    οὕτως ἔδει γενέσθαι.

[00483]    Εἰ δὲ τοῦτο οὐκ ἐν σοφίᾳ, πολλῷ μᾶλλον τὰ ἄλλα ἃ ἐξετάζουσιν.

[00484]    Ἀγαθὴ σοφία μετὰ κληρονομίας.

[00485]    Τουτέστιν ἐν περιουσίᾳ.

[00486]    Ὅτι ἐν σκιᾷ αὐτῆς ἡ σοφία ὡς σκιὰ ἀργυρίου.

[00487]    Τουτέστιν, οὐκ ἐντεῦθεν ἀναπαύσει μόνον, ἀλλὰ καὶ ἐν λαμπρότητι ἔσῃ πολλῇ.

[00488]    Ἴδε τὰ ποιήματα τοῦ θεοῦ·

[00489]    ὅτι τίς δυνήσεται κοσμῆσαι ὃν ἂν ὁ θεὸς διαστρέψῃ αὐτόν;

[00490]    Περὶ τιμωρίας φησίν.

[00491]    Τίς δυνήσεται σῶσαι ὃν ἂν ὁ θεὸς τιμωρήσηται;

[00492]    Ὅρα τὰ Σόδομα.

[00493]    Ποιήματα αὐτοῦ·

[00494]    οὐχὶ τὴν κτίσιν φησίν, ἀλλὰ τὰς οἰκονομίας.

[00495]    Ἐν ἡμέρᾳ ἀγαθωσύνης ζῆθι ἐν ἀγαθῷ, καὶ ἴδε ἐν ἡμέρᾳ κακίας·

[00496]    ἴδε, καί γε σὺν τούτῳ συμφώνως τοῦτο ἐποίησεν ὁ θεὸς περὶ λαλιᾶς.

[00497]    Τουτέστιν, νόησον τὰ ἐπερχόμενα, κατάσκεψαι ἀκριβῶς ὅτι σύμπαν τὸ ποιηθὲν σῴζει ὁ θεός·

[00498]    ἄν τε καλὸν ἄν τε κακόν, πρὸς ἓν ἀπαντᾷ τέλος.

[00499]    Περὶ λαλιᾶς, ἵνα μὴ εὑρεθῇ ὀπίσω ἀνθρώπου μηθέν.

[00500]    Οὕτω μέντοι σύμφωνον, ὡς μηδὲ εἰδέναι τὴν ὁμόνοιαν καὶ τὸ τέλος.

[00501]    Ἔστιν δίκαιος ἀπολλύμενος ἐν δικαίῳ αὐτοῦ, καὶ ἔστιν ἀσεβὴς μένων ἐν κακίᾳ αὐτοῦ.

[00502]    Πάλιν ἄλλη ἀπορία καὶ ἄγνοια·

[00503]    τὸν μὲν οὐκ ὤνησεν ἡ δικαιοσύνη, τὸν δὲ οὐκ ἔφθειρεν ἡ κακία.

[00504]    Μὴ γίνου δίκαιος πολύ, μηδὲ σοφίζου περισσά, μήποτε ἐκπλαγῇς.

[00505]    Ὁρᾷς τί φησιν;

[00506]    Μὴ γίνου δίκαιος·

[00507]    τουτέστιν, μὴ ζήτει πᾶσαν τοῦ θεοῦ τὴν δικαιοσύνην, μηδὲ ζήτει ἀκριβῶς εὑρεῖν τὸ δίκαιον τοῦ θεοῦ·

[00508]    οὐ γὰρ δύνασαι.

[00509]    Ὅτι γὰρ τοῦτό φησιν, τὸ ἑξῆς δηλοῖ.

[00510]    ∆ίδου τῷ ἀκαταλήμπτῳ·

[00511]    μεγάλη εὕρεσις ἄγνοια, ἵνα μὴ ἐκστῇς σου·

[00512]    οὔτε γὰρ εὑρήσεις τι, καὶ τοῦτο πείσει.

[00513]    Ἀγαθὸν τὸ ἀντέχεσθαί σε ἐν τούτῳ, καὶ ἀπὸ τούτου μὴ μιάνῃς τὴν χεῖρά σου.

[00514]    Τούτῳ·

[00515]    ἡγοῦμαι ἀντέχεσθαί σε καλῶν, μὴ μιαίνεσθαι τοῖς πονηροῖς.

[00516]    Ἡ σοφία βοηθήσει τῷ σοφῷ ὑπὲρ δέκα ἐξουσιάζοντας τοὺς ὄντας ἐν τῇ πόλει.

[00517]    Οὐ γάρ ἐστιν ἄνθρωπος μὴ δεόμενος βοηθείας.

[00518]    Ὅτι ἄνθρωπος οὐκ ἔστιν δίκαιος ἐν τῇ γῇ, ὃς ποιήσει ἀγαθὸν καὶ οὐχ ἁμαρτήσεται.

[00519]    Καίτοι κἂν θαυμαστός τις εἴη καὶ δίκαιος, εἰκότως ἁμαρτάνει·

[00520]    σοφίας δέ ἐστιν διορθοῦσθαι τὰ πλημμεληθέντα.

[00521]    Καί γε εἰς πάντας τοὺς λόγους οὓς ἂν λαλήσουσιν ἀσεβεῖς, μὴ θῇς καρδίαν σου.

[00522]    Τουτέστιν, μὴ ἀκριβῶς ἐξέταζε τὰ περὶ σοῦ λεγόμενα, ἐπεὶ οὐδὲ ὁ δοῦλος ἐκφεύξεται.

[00523]    Ὅπως μὴ ἀκούσῃς τοῦ δούλου σου καταρωμένου σε.

[00524]    Ἂν γὰρ θέλῃς τὰ περὶ σοῦ λεγόμενα ἐξετάζειν, καὶ ὁ δοῦλος ἐμπεσεῖται.

[00525]    Ὅτι πολλάκις πονηρεύσεταί σε καὶ καθόδους πολλὰς κακώσει καρδίαν σου.

[00526]    Ἂν γὰρ τοῦτο ποιῇς, δώσεις τῇ καρδίᾳ σου κατὰ σαυτοῦ βουλάς·

[00527]    καὶ πρόχειρον σαυτὸν ποιήσεις τοῖς βουλομένοις ἀδικεῖν σε, ἂν ταῦτα πάντα ἀκριβῶς ἐξετάσῃς.

[00528]    Ὅτι καὶ σὺ κατηράσω·

[00529]    ἃ ἐξετάζεις.

[00530]    Πάντα ταῦτα ἐπείρασα ἐν τῇ σοφίᾳ.

[00531]    Εἶπα·

[00532]    σοφισθήσομαι.

[00533]    Τουτέστιν, ἐξέτασον σαυτόν, καὶ ὑπεύθυνος εἶ καὶ σύ.

[00534]    Μὴ τοίνυν ἀγανάκτει, εἰ ταῦτα βούλεται ἃ καὶ σὺ ποιεῖς.

[00535]    Πάντα ταῦτα ἐπείρασα ἐν τῇ σοφίᾳ·

[00536]    τουτέστιν, ἔπαθον αὐτὰ ἀλλὰ κατεφρόνησα.

[00537]    Καὶ αὕτη ἐμακρύνθη ἀπ' ἐμοῦ μακρὰν ὑπὲρ ὃ ἦν, καὶ βαθὺ βάθος, τίς εὑρήσει αὐτό;

[00538]    Ἐβουλήθην ἀκριβῶς ζῆν, ἀλλ' ἐμακρύνθη ὑπὲρ ἐμὲ ἡ σοφία, ὑπὲρ τὸ πρότερον ἐμακρύνθη ἀπ' ἐμοῦ.

[00539]    Τοιοῦτον γὰρ τί ἐστιν;

[00540]    Ὅταν φρονῶμεν, τότε μάλιστα ἴσμεν ὅσον αὐτῆς ἀπέχομεν, ὥσπερ ὁ βλέπων, οὗτος οἶδεν ὅσον αὐτοῦ ἀπέχει ὁ ἥλιος.

[00541]    Ἐκύκλωσα ἐγὼ καὶ ἡ καρδία μου τοῦ γνῶναι καὶ τοῦ κατασκέψασθαι καὶ ζητῆσαι σοφίαν καὶ τοῦ γνῶναι ἀσεβοῦς ἀφροσύνην καὶ ὀχληρίαν καὶ περιφοράν.

[00542]    Καὶ εὑρίσκω ἐγὼ αὐτὴν καὶ ἐρῶ πικρότερον ὑπὲρ θάνατον, σὺν τὴν γυναῖκα, ἥτις ἐστὶν θήρευμα.

[00543]    Γυναῖκα μετὰ ταῦτα ἤτοι τὴν ἀφροσύνην φησίν, ἤ, εἰ μὴ τοῦτο, τὴν ἀνόητον γυναῖκα, ὅτι θήρευμά ἐστιν χαλεπόν.

[00544]    Καὶ αἱ σαγῆναι καρδία αὐτῆς, δεσμὸς εἰς χεῖρας αὐτῆς·

[00545]    ἀγαθὸς πρὸ προσώπου τοῦ θεοῦ ἐξαιρεθήσεται ἀπ' αὐτῆς, καὶ ἁμαρτάνων συλλημφθήσεται ἐν αὐτῇ.

[00546]    Ἴδε τοῦτο εὗρον, εἶπεν ὁ Ἐκκλησιαστής, μία τῇ μιᾷ τοῦ εὑρεῖν λογισμόν, καὶ ἐπεζήτησεν ἡ ψυχή μου καὶ οὐχ εὗρον·

[00547]    καὶ ἄνθρωπον ἕνα ἀπὸ χιλίων εὗρον καὶ γυναῖκα ἐν πᾶσιν τούτοις οὐχ εὗρον.

[00548]    Πλὴν ἴδε τοῦτο εὗρον ὃ ἐποίησεν ὁ θεὸς σὺν τὸν ἄνθρωπον εὐθῆ, καὶ αὐτοὶ ἐζήτησαν λογισμοὺς πονηρούς.

[00549]    Τί ταύτης τῆς σοφίας ἴσον;

[00550]    Τί τῶν δογμάτων ὀρθότερον;

[00551]    Ἐποίησεν τὸν ἄνθρωπον εὐθῆ *** ^[8] *** καὶ ὅτι οὐκ ἔστιν γινώσκων τί τὸ ἐσόμενον.

[00552]    Τοσαῦτα εἰδώς, τοῦτο ἀγνοεῖν φησιν, ἀλλὰ δεῖ πιστεύειν·

[00553]    ἔσται γὰρ κρίσις.

[00554]    Παντὶ γὰρ καιρός ἐστιν πράγματι, ὥστε ἀπὸ στοχασμοῦ τοῦτο καλῶς συνίστατο.

[00555]    Ὅτι μὲν οὖν ἔσται κρίσις δῆλον, πότε δὲ οὐ δῆλον.

[00556]    Οὐκ ἀπὸ τούτου δὲ μόνον τοῦτο αὐτὸ δείκνυται, ἀλλὰ καὶ <ἀπὸ> τοῦ μὴ δυνηθῆναι κωλῦσαι θάνατον, μηδὲ ἀποστεῖλαί τινα μέλλοντα κινδυνεύειν ἐκ πολέμου δυνατὸν αὐτῷ·

[00557]    ἀλλὰ κακῶς μὲν ποιῆσαι ἐξουσίαν ἔχει·

[00558]    καὶ ὅμως, μετὰ τὸ ποιῆσαι, πάλιν κολάζονται καὶ τιμωροῦνται.

[00559]    Ἔδωκα τὴν καρδίαν μου εἰς πᾶν τὸ ποίημα ὃ πεποίηται ὑπὸ τὸν ἥλιον, τὰ ὅσα ἐξουσιάσατο ὁ ἄνθρωπος ἐν ἀνθρώπῳ τοῦ κακῶσαι αὐτόν.

[00560]    Καὶ τότε εἶδον ἀσεβεῖς εἰς τάφους εἰσαχθέντας, καὶ ἐκ τοῦ ἁγίου, καὶ ἐπορεύθησαν καὶ ἐπῃνέθησαν ἐν τῇ πόλει, ὅτι οὕτως ἐποίησαν.

[00561]    Καί γε τοῦτο ματαιότης.

[00562]    Ὅτι οὐκ ἔστιν γιγνομένη ἀντίρρησις ἀπὸ τῶν ποιούντων τὸ πονηρόν.

[00563]    Τουτέστιν, οὐ καταγιγνώσκουσιν αὐτῶν, οὐκ ἐναντιοῦνται αὐτοῖς·

[00564]    ἦ γὰρ ἀνεπαύσαντο;

[00565]    Καὶ ἀγαθὸν οὐκ ἔσται τῷ ἀσεβεῖ καὶ οὐ μακρυνεῖ ἡμέρας ἐν σκιᾷ.

[00566]    Ἐν ἀναπαύσει, φησίν.

[00567]    Ὃς οὐκ ἔστιν φοβούμενος ἀπὸ προσώπου τοῦ θεοῦ.

[00568]    Ἔστιν ματαιότης, ἣ πεποίηται ἐπὶ τῆς γῆς, ὅτι εἰσὶν δίκαιοι, ὅτι φθάνει πρὸς αὐτοὺς ὡς ποίημα τῶν ἀσεβῶν, καί εἰσιν ἀσεβεῖς, ὅτι φθάνει πρὸς αὐτοὺς ὡς ποίημα τῶν δικαίων [πνεῦμα]·

[00569]    καί γε τοῦτο ματαιότης.

[00570]    Τουτέστιν, πολλάκις δόξαν ἔλαβεν πονηρὰν δίκαιος καὶ ἀγαθὴν ἀσεβής, ἀλλὰ καὶ τοῦτο μάτην, ὡς πεποιημένου, φησίν, οὐ πεποιημένου.

[00571]    Οὐ δυνήσεται ἄνθρωπος εὑρεῖν τὸ ποίημα τὸ πεποιημένον ὑπὸ τὸν ἥλιον·

[00572]    ὅσα ἂν μοχθήσῃ ἄνθρωπος τοῦ ζητῆσαι, καὶ οὐχ εὑρήσει.

[00573]    ^[9] Ὅτι σύμπαν τοῦτο ἔδωκα ἐν καρδίᾳ μου, ὡς οἱ δίκαιοι καὶ οἱ σοφοὶ καὶ αἱ ἐργασίαι αὐτῶν ἐν χειρὶ θεοῦ.

[00574]    Τουτέστιν, ὅτι οἶδεν ὅτι οὐδὲν κερδαίνει ἢ τοῦ θεοῦ τὴν πρόνοιαν καὶ τὴν οἰκονομίαν τὴν ὑπὸ τὸν ἥλιον.

[00575]    Καί γε ἀγάπην καί γε μῖσος οὐκ ἔστιν εἰδὼς ἄνθρωπος·

[00576]    τὰ πάντα πρὸ προσώπου αὐτῶν ματαιότης.

[00577]    Καταγινώσκει τῶν τέως οὐδὲν εἰδότων·

[00578]    τούτων πάντα ψευδῆ.

[00579]    Συνάντημα ἓν τῷ δικαίῳ καὶ τῷ ἀσεβεῖ, τῷ ἀγαθῷ καὶ τῷ κακῷ, τῷ καθαρῷ καὶ τῷ ἀκαθάρτῳ, τῷ θυσιάζοντι καὶ τῷ μὴ θυσιάζοντι·

[00580]    ὡς ὁ ἀγαθός, ὣς ὁ ἁμαρτάνων·

[00581]    ὣς ὁ ὀμνύων, καθὼς ὁ τὸν ὅρκον φοβούμενος.

[00582]    Τοῦτο εἶδον πονηρὸν ἐν παντὶ τῷ πεποιημένῳ ὑπὸ τὸν ἥλιον, ὅτι συνάντημα ἓν τοῖς πᾶσιν·

[00583]    καί γε καρδία υἱῶν τοῦ ἀνθρώπου ἐπληρώθη πονηροῦ, καὶ περιφέρεια ἐν καρδίᾳ αὐτῶν ἐν ζωῇ αὐτῶν, καὶ ὀπίσω αὐτῶν πρὸς τοὺς νεκρούς.

[00584]    Ὅτι τίς ὃς κοινωνεῖ πρὸς πάντας τοὺς ζῶντας;

[00585]    Ἐπαίρει τὸν θάνατον καὶ φορτικὸν εἶναί φησιν καὶ πάντας ὑπευθύνους εἶναι τῷ πράγματι.

[00586]    Καὶ ἐπειδὴ εἶδεν καταπεφρονημένην τὴν τιμωρίαν, ἐπαίρει καὶ αὐτὴν τῷ λόγῳ·

[00587]    οὐδὲ γὰρ ἂν ὁ μακαρίζων πρὸ τούτου τοὺς τεθνηκότας νῦν τοὺς ζῶντας ἐμακάριζεν λέγων·

[00588]    Ἔστιν ἐλπὶς ὅτι ὁ κύων ὁ ζῶν ἀγαθὸς ὑπὲρ τὸν λέοντα τὸν τεθνηκότα.

[00589]    Τοῦτο πονηρόν, τοῦτό ἐστιν μοχθηρόν, τοῦτο κόλασις μεγάλη, τοῦτο τιμωρία χαλεπή, ὅτι πάντες ἀποθνῄσκομεν, κἂν σοφός, κἂν ὁστισδήποτε.

[00590]    Μὴ μέγα φρόνει ἐπ' ἀρετῇ·

[00591]    ἀποθνῄσκεις γάρ, φησίν.

[00592]    Μὴ ἔχου τῆς κακίας·

[00593]    ἀποθνῄσκεις γάρ.

[00594]    Ἐπειδὴ εἶπεν ὅτι οἱ φοβούμενοι τὸν θεὸν ζήσονται, διὰ τοῦτο πάλιν λέγει πόσον καλὸν ζωή, πόσον κακὸν θάνατος.

[00595]    Ὅρα πάλιν πῶς πείθει μετριάζειν.

[00596]    Ἐπέστρεψα καὶ εἶδον ὑπὸ τὸν ἥλιον ὅτι οὐ τοῖς κούφοις ὁ δρόμος, οὐ τοῖς δυνατοῖς ὁ πόλεμος, καί γε οὐ τῷ σοφῷ ἄρτος καὶ οὐ τοῖς συνετοῖς ὁ πλοῦτος, καί γε οὐ τοῖς γινώσκουσιν χάρις.

[00597]    Ὅτι καιρὸς καὶ ἀπάντημα συναντήσεται ἓν σύμπασιν αὐτοῖς.

[00598]    Ὅτι καί γε οὐκ ἔγνω ὁ ἄνθρωπος τὸν καιρὸν αὐτοῦ·

[00599]    ὡς οἱ ἰχθύες οἱ θηρευόμενοι ἐν ἀμφιβλήστρῳ κακῷ, καὶ ὡς ὄρνεα ἐν παγίδι.

[00600]    Ταῦτα λέγει διδάσκων μὴ τοῖς πράγμασιν θαρρεῖν, ἀλλὰ τὴν ἐλπίδα ἔχειν εἰς τὸν θεόν, μὴ τὰ πλεονεκτήματα τῆς ἀνθρωπίνης φύσεως μέγα τι νομίζειν.

[00601]    Καὶ γὰρ ἀποθανοῦνται πάντες.

[00602]    Οὐ τοῦτο μόνον, ἀλλ' ὅτι οὕτως ἀποθνῄσκουσιν, ὡς οἱ ἰχθύες οἱ θηρευόμενοι κακῶς ἐν ἀμφιβλήστρῳ·

[00603]    οὕτω καὶ οὗτοι οὐκ ἴσασιν τὴν τελευτήν.

[00604]    Καί γε τοῦτο εἶδον σοφίαν ὑπὸ τὸν ἥλιον, καὶ μεγάλη ἐστὶν πρός με·

[00605]    πόλις μικρὰ καὶ ἄνδρες ἐν αὐτῇ ὀλίγοι, καὶ ἔλθῃ ἐπ' αὐτὴν βασιλεὺς μέγας καὶ κυκλώσῃ αὐτὴν καὶ οἰκοδομήσῃ ἐπ' αὐτὴν χάρακας μεγάλους, καὶ εὕρῃ ἐν αὐτῇ ἄνδρα πένητα καὶ σοφόν, καὶ διασώσῃ αὐτὸς τὴν πόλιν ἐν τῇ σοφίᾳ αὐτοῦ·

[00606]    καὶ ἄνθρωπος οὐκ ἐμνήσθη σὺν τοῦ ἀνδρὸς τοῦ πένητος.

[00607]    Καὶ εἶπα·

[00608]    ἀγαθὴ σοφία ὑπὲρ δύναμιν·

[00609]    καὶ σοφία τοῦ πένητος ἐξουδενωμένη.

[00610]    Ὃ λέγει τοῦτ' ἔστιν·

[00611]    μέγα πρᾶγμα οἰκτίρμονα εἶναι καὶ φιλελεήμονα καὶ τὴν διόρθωσιν τῶν πεπτωκότων καὶ κειμένων ποιούμενον, κἂν μεγάλα ᾖ τὰ δεινὰ τοῖς ἐκπεπολεμωμένοις ἐπικουρεῖν, κἂν πένητες ὦσιν, μὴ παρορᾶν.

[00612]    ^[10] Ἐὰν τὸ πνεῦμα τοῦ ἐξουσιάζοντος ἀναβῇ ἐπὶ σέ, τὸν τόπον σου μὴ ἀφῇς, ὅτι ἴαμα καταπαύσει ἁμαρτίας μεγάλας.

[00613]    Τοῦτ' ἔστιν μὴ ἀφῇς·

[00614]    μὴ καταφρονήσῃς, ἐὰν ὀργισθῇ σοι ὁ κρατῶν·

[00615]    τὸ γὰρ βούλεσθαι καταλλάττειν ἑαυτῷ *** Τὸν τόπον μὴ ἀφῇς·

[00616]    τουτέστιν, ἢ φύγε ἢ ἔκκλινον ἢ πάντα τρόπον ἀπολογίας κίνησον·

[00617]    τοῦτο γὰρ ἰάσεται τὰ ἁμαρτήματα.

[00618]    Ἔστιν πονηρία ἣν εἶδον ὑπὸ τὸν ἥλιον, ὡς ἀκούσιον ἐξῆλθεν ἀπὸ προσώπου τοῦ ἐξουσιάζοντος·

[00619]    ἐδόθη ὁ ἄφρων ἐν ὕψεσιν μεγάλοις, καὶ πλούσιοι ἐν ταπεινῷ καθεσθήσονται·

[00620]    εἶδον δούλους ἐφ' ἵππους καὶ ἄρχοντας πορευομένους ὡς δούλους ἐπὶ τῆς γῆς.

[00621]    Οἱ μὲν σοφοὶ ἐταπεινώθησαν, ὑψώθησαν δὲ τοὐναντίον καὶ δοῦλοι καὶ ἄφρονες.

[00622]    Ὁ ὀρύσσων βόθρον ἐμπεσεῖται εἰς αὐτόν, <καὶ καθαιροῦντα φραγμὸν δήξεται αὐτὸν ὄφις>.

[00623]    Εἶτα ἀπὸ τῶν συμβαινόντων λέγει ὅτι πολλάκις τοῖχόν τις κατέβαλεν ἢ διώρυξεν καί, τοῦ μέλλοντος ἀδικεῖσθαι μὴ παρόντος, ὄφις αὐτὸν κατέφαγεν.

[00624]    Πιστώσασθαι οὖν τὸν λόγον βούλεται, ἢ πεῖσαι ὅτι ταῦτα οὐχ ἁπλῶς γίγνεται, ἀλλὰ τοῦ θεοῦ πέμποντος τὰ θηρία.

[00625]    Ἐξαίρων λίθους διαπονηθήσεται ἐν αὐτοῖς.

[00626]    Ἐὰν πέσῃ τὸ σιδήριον, καὶ αὐτὸς πρόσωπον ἐτάραξεν, καὶ δυνάμεις δυναμώσει, καὶ περισσεία τῷ ἀνδρὶ ἐν σοφίᾳ.

[00627]    Ὁ ἐλέγχων πάντα πόνον ὑπομένει πολὺν καὶ πολὺν τὸν ἱδρῶτα.

[00628]    Ἐὰν πέσῃ τὸ σιδήριον σχίζοντος ξύλα, κινδυνεύσει ἐπ' αὐτοῖς.

[00629]    Τουτέστιν, οὐδὲ ἐκεῖ τι γέγονεν·

[00630]    ἢ τοῦτο λέγει ὅτι πολλὰς ἔχει ἀφορμὰς ὁ θεὸς τοῦ κολάζειν καὶ τιμωρεῖσθαι.

[00631]    Ἐὰν δάκῃ ὄφις ἐν καιρῷ θερισμοῦ, οὐκ ἔστιν περισσεία τῷ ἐπᾴδοντι.

[00632]    Οὐδὲν πλέον, φησίν·

[00633]    τότε γὰρ χαλεπὰ τὰ δήγματα.

[00634]    Τοῦτο οὖν φησιν, ὅτι, ἐὰν μὴ προλαβὼν μετανοήσῃς, οὐδέν σοι πλέον ἔσται, ἀλλὰ λήψῃ πληγὴν ἀπαραμύθητον, ὅταν δέῃ θερισθῆναί σου τὸ ἁμάρτημα.

[00635]    Οὐκ ἔγνω ἄνθρωπος τὸ γενόμενον, καὶ τί τὸ ἐσόμενον·

[00636]    τί ὀπίσω αὐτοῦ, τίς ἀπαγγελεῖ αὐτῷ;

[00637]    [Μόχθος τῶν ἀφρόνων κακώσει αὐτόν, ὃς οὐκ ἔγνω τοῦ πορευθῆναι.] Ἴσως τε, εἰ ἦν τις ὁ <τὰ> μετὰ ταῦτα ἀπαγγέλλων αὐτῷ, ἔγνω ἂν ὅτι τὸ γενόμενον αὐτό ἐστιν τὸ μέλλον·

[00638]    διὰ τὸ ὀλιγοχρόνιος εἶναι, οὐκ οἶδεν τὰ πάντα.

[00639]    ∆ιὰ τοῦτο παραμυθίαν οὐ μικρὰν ἡμῖν ἔδωκεν τὰς γραφὰς ὁ θεός·

[00640]    πλὴν οὐ πάντα λέγουσιν αἱ γραφαὶ τὰ κατὰ τὸν χρόνον τὸν ἔμπροσθεν.

[00641]    Μόχθος ἄφρονος κακώσει αὐτόν, ὃς οὐκ ἔγνω πορευθῆναι εἰς πόλιν.

[00642]    Ἐμοὶ δοκεῖ λέγειν τοὺς κακουργοῦντας ἐν ταῖς ἐρημίαις, τοὺς μυρία τεκταινομένους.

[00643]    Οὐαί σοι, πόλις, ἧς ὁ βασιλεύς σου νεώτερος.

[00644]    Οὐχ ἁπλῶς τὸν ἀπὸ τῆς ἡλικίας λέγει·

[00645]    οὐ γὰρ ἂν εἶπεν·

[00646]    ἀγαθὸν παῖς πένης σοφὸς ὑπὲρ βασιλέα πρεσβύτην καὶ ἄφρονα οὐδαμοῦ γὰρ τὴν ἡλικίαν καθ' ἑαυτὴν διαβάλλει.

[00647]    Καὶ οἱ ἄρχοντές σου πρωῒ ἐσθίουσιν.

[00648]    Τοὺς τοιούτους <λέγει>·

[00649]    οὐ γὰρ ἂν ἄλλως διέστειλεν ἐκεῖνον·

[00650]    ἐχρῆν γὰρ τὸν πρεσβύτην ἀντιδιαστεῖλαι.

[00651]    Μακαρία ἡ γῆ, ἧς ὁ βασιλεύς σου υἱὸς ἐλευθέρων, καὶ οἱ ἄρχοντές σου πρὸς καιρὸν φάγονται ἐν δυνάμει καὶ οὐκ αἰσχυνθήσονται.

[00652]    Ἐκεῖνοι γὰρ οὐκ ἐν δυνάμει οὐδὲ μετὰ προθυμίας ἐσθίουσιν, οὐκ ἀντιλέγοντες.

[00653]    Ἐν ὀκνηρίαις ταπεινωθήσεται δόκωσις καὶ ἐν ἀργίαις χειρῶν στάξει οἰκία.

[00654]    Ὁρᾷς πόσος ψόγος τῇ ἀργίᾳ;

[00655]    Εἰς γέλωτα ποιοῦσιν ἄρτον.

[00656]    Οὐχὶ λιμὸς ὑμᾶς ἀναλώσει, φησίν, ἀλλὰ οἶνος·

[00657]    εἰς εὐφροσύνην ἐδόθη, φησίν, αὐτοὶ δὲ εἰς μέθην ποιοῦσιν αὐτόν·

[00658]    οἶνος γὰρ εὐφραίνει ζῶντας, ὥστε μὴ μεθύσκεσθαι.

[00659]    Καὶ οἶνον καὶ ἔλαιον τοῦ εὐφρανθῆναι ζῶντας.

[00660]    Ταῦτά φησιν·

[00661]    εἰς γὰρ εὐφροσύνην δέδοται.

[00662]    ^[11] Ἀπόστειλον τὸν ἄρτον σου ἐπὶ προσώπου τοῦ ὕδατος, ὅτι ἐν πλήθει τῶν ἡμερῶν σου εὑρήσεις αὐτόν.

[00663]    Ἀκούετε τί φησιν.

[00664]    Ἐπεὶ <οὐ> παραχρῆμα καὶ οὐ παρ' αὐτὸν τὸν καιρὸν ὁ καρπὸς ἀποδίδοται, ἀλλὰ μετὰ ταῦτα χρόνῳ πολλῷ πάντως ἀποδοθήσεται.

[00665]    Καθάπερ γὰρ εἰς ὕδωρ ῥιπτούμενος ἄρτος εὐθέως παρατρέχει καὶ παρασύρεται, οὕτως ἐν τῇ ἐλεημοσύνῃ ἔδωκας καὶ εὐθέως οὐδὲν ἔλαβες, ἀλλὰ πάντως λήψει.

[00666]    Τί οὖν, ἐὰν εὐθέως οὐ πείθωμαι, φησίν, ἀλλ' ἐν τῷ μέλλοντι καιρῷ;

[00667]    ∆ὸς μερίδα τοῖς ἑπτὰ καί γε τοῖς ὀκτώ.

[00668]    Τουτέστιν τῷ πλήθει·

[00669]    μὴ ἀποστερήσῃς αὐτούς, κἂν πολλοὶ ὦσιν.

[00670]    Ὅτι οὐ γινώσκεις τί ἔσται πονηρὸν ἐπὶ τὴν γῆν.

[00671]    Τουτέστιν, χρείαν ἔχεις τοῦ ἐράνου τούτου.

[00672]    Ἐὰν πλησθῶσιν τὰ νέφη ὑετοῦ, ἐπὶ τὴν γῆν ἐκχέουσιν.

[00673]    Ὥσπερ ταῦτα τότε ἀφιᾶσιν τὸν ὑετόν, ὅταν πληρωθῇ, οὕτω καὶ ἡ ἐλεημοσύνη, ὅταν ἀπαρτισθῇ, τότε ἀποδώσει τὴν ἀμοιβήν.

[00674]    Ἐὰν πέσῃ ξύλον ἐν τῷ νότῳ καὶ ἐὰν ἐν τῷ βορέᾳ, οὗ πεσεῖται τὸ ξύλον, ἐκεῖ ἔσται.

[00675]    Ὥσπερ τοῦτο, φησίν, μένει ἔνθα ἂν πέσῃ, εἰ ἐν ἐρήμῳ, οὕτω καὶ τὴν ἐλεημοσύνην οὐδεὶς μετακινῆσαι δυνήσεται·

[00676]    πάντως γὰρ μένει.

[00677]    Τηρῶν ἄνεμον οὐ σπερεῖ, καὶ βλέπων ἐν ταῖς νεφέλαις οὐ θερίζει.

[00678]    Ἐμοὶ δοκεῖ τοῦτο λέγειν ὥστε μὴ μετὰ ἀκριβείας τὴν ἐλεημοσύνην ποιεῖν, περιεργαζόμενον τοὺς τρόπους τῶν λαμβανόντων.

[00679]    Εἰ μὲν γὰρ δικαστὴς ἐκάθισας, καλῶς ἂν ταῦτα ἐποίησας·

[00680]    εἰ δὲ φιλάνθρωπος εἶ καὶ ἐλεήμων, τὸ ὄνομα αἰδέσθητι τῆς ἐλεημοσύνης.

[00681]    Ἐμοὶ δὲ δοκεῖ καὶ εἰς αὐτὰ ταῦτα χρήσιμον εἶναι τοῦτο, ὅπερ περὶ τοῦ σπόρου καὶ τῆς γεωργίας φησίν, ὥστε μὴ πανταχοῦ ἀσφαλῆ εἶναι μηδὲ ἀκριβῆ.

[00682]    Οὐ γὰρ οἶδας τί ἔσται ἡ ὁδὸς τῆς οἰκονομίας ταύτης καὶ τοῦ πνεύματος.

[00683]    Πολλαχοῦ σοι διαπίπτει ταῦτα, φησίν·

[00684]    οὐ δυνατὸν γὰρ εἶναι τὴν οἰκονομίαν τοῦ θεοῦ δήλην.

[00685]    Ὡς ὀστᾶ γὰρ τῆς κυοφορούσης, οὕτως οὐ γνώσει τὰ ποιήματα τοῦ θεοῦ, ὅσα ποιήσει τὰ σύμπαντα.

[00686]    Ἐν πρωΐᾳ σπεῖρον τὸ σπέρμα σου, καὶ ἐν ἑσπέρᾳ μὴ ἀφιέτω ἡ χείρ σου, ὅτι οὐ γινώσκεις ποῖον στοιχήσει, τοῦτο ἢ τοῦτο.

[00687]    Τουτέστιν, καὶ πρόϊμον καὶ ὄψιμον σπεῖρον, μὴ ἀμέλει.

[00688]    Πᾶς καιρὸς ἔστω σοι καιρός·

[00689]    ἂν γὰρ ἑνὸς ἐκπέσῃς, τοῦ ἑτέρου οὐκ ἐκπέσῃς.

[00690]    Πολλὰς κελεύει παρέχειν ἀφορμὰς τοῖς βουλομένοις σῴζεσθαι καὶ εὐδοκιμεῖν.

[00691]    Καὶ ἐὰν τὰ δύο ἐπὶ τὸ αὐτὸ ἀγαθά.

[00692]    Ἐὰν γὰρ ἀμφότερα συμπέσῃ καλῶς, ἐπὶ τοῦ ἑνὸς οὐκ ἐκπέσῃς.

[00693]    Καὶ σὺ τοίνυν καὶ δι' οἰκονομίας καὶ διὰ πάντων καὶ δι' ἐλεημοσύνης καὶ διὰ σωφροσύνης καὶ διὰ πάντων ἔχου τῆς σαυτοῦ σωτηρίας.

[00694]    Γλυκὺ τὸ φῶς καὶ ἀγαθὸν τοῖς ὀφθαλμοῖς.

[00695]    Τοῦ θεοῦ θαυμάζει τὴν πρόνοιαν, πῶς ἐποίησεν ἥδιστον τὸν παρόντα βίον καὶ ποθεινὸν ἡμῖν·

[00696]    καὶ ἀπὸ τούτου παρασκευάζει ταῦτα ποιεῖν τὰ δυνάμενα ποιεῖν ἡμᾶς ζῆν.

[00697]    Εἶτα ἐγκωμιάζει πάλιν τὴν ζωήν·

[00698]    οὐδέποτε κόρον λαμβάνει τοῦ φωτός, καὶ τοιούτου ὄντος.

[00699]    Ὅτι γὰρ διὰ τοῦτο ποιεῖ, ὅρα πῶς παραινεῖ τῷ νέῳ προσέχειν ἑαυτῷ, ἕως ἂν ἔλθῃ ὁ θάνατος.

[00700]    Εὐφραίνου, γάρ φησιν, νεανίσκε ἐν νεότητί σου, καὶ ἀγαθυνάτω σε ἡ καρδία σου, καὶ περιπάτει ἐν ὁδοῖς ἄμωμος, καὶ γνῶθι ὅτι ἐπὶ πᾶσιν τούτοις ἄξει σε ὁ θεὸς ἐν κρίσει.

[00701]    Καὶ ἀπόστησον θυμὸν ἀπὸ καρδίας σου.

[00702]    ^[12] Καὶ μνήσθητι τοῦ κτίσαντός σε, ἕως οὗ μὴ σκοτισθῇ ὁ ἥλιος καὶ τὸ φῶς καὶ ἡ σελήνη καὶ οἱ ἀστέρες, καὶ ἐπιστρέψουσι τὰ νέφη ὀπίσω τοῦ ὑετοῦ.

[00703]    Ὥσπερ ὑετὸς κατελθὼν οὐκ ἄνεισιν, οὕτως οὐδὲ τὰ νέφη τῷ τελευτήσαντι.

[00704]    Ἐν ἡμέρᾳ ᾗ ἂν σαλευθῶσιν φύλακες οἰκίας καὶ διαστραφῶσιν ἄνδρες τῆς δυνάμεως, <καὶ ἤργησαν αἱ ἀλήθουσαι ὅτι ὠλιγώθησαν>.

[00705]    Πάντα προδιδόασιν.

[00706]    Μάλιστα οὕτω καὶ τότε ἔσται, ὥσπερ <ὅτε> ἐξ ἀργίας αἱ ἀλήθουσαι οὐ κάμνουσι, παρὰ τὸ μὴ εἶναι ἀνθρώπους·

[00707]    ἀπολεῖται ἡ πόλις.

[00708]    Καὶ σκοτάσουσιν αἱ βλέπουσαι ἐν ταῖς ὀπαῖς.

[00709]    Ἢ τοῦτό φησιν, ὅτι οἱ ὀξὺ βλέποντες τότε σκοτωθήσονται·

[00710]    οὐχὶ αἱ βλέπουσαι αἱ ψυχαὶ αἱ διορατικαί.

[00711]    Καὶ κλείσουσιν θύρας ἐν ἀγορᾷ, καὶ ἀναστήσεται εἰς φωνὴν στρουθίου.

[00712]    Τουτέστιν, στρουθοὶ ἐννοσσεύσουσιν·

[00713]    τὴν ἐρημίαν λέγει.

[00714]    Καὶ ἀνθήσει τὸ ἀμύγδαλον.

[00715]    Ἢ ἐρημίαν φησίν, ἤ, ὥσπερ ὁ καρπὸς οὗτος ἀνθήσας πάλιν μαραίνεται, οὕτω καὶ ὁ ἄνθρωπος.

[00716]    Καὶ συντριβῇ ἡ ὑδρία ἐπὶ τὴν πηγήν, <καὶ συντροχάσῃ ὁ τροχὸς ἐπὶ τὸν λάκκον>.

[00717]    Ὥσπερ αὕτη ἐλαττωθεῖσα οὐκέτι παρέξει ὕδωρ καὶ ὁ τροχὸς δὲ ἐμπεσὼν ἐπὶ τὸν βόθρον οὐκέτι τρέχει, οὕτω καὶ ὁ ἄνθρωπος ἀποθανών.

[00718]    Καὶ τὸ πνεῦμα ἐπιστρέψει πρὸς τὸν θεόν.

[00719]    Ἐπιστρέψῃ γὰρ ὁ χοῦς ἐπὶ τὴν γῆν, ὡς ἦν, καὶ τὸ πνεῦμα ἐπιστρέψῃ πρὸς τὸν θεόν, ὃς ἔδωκεν αὐτό.

[00720]    Αὐτὸς οὖν αὐτὸ λήμψεται τὸ πνεῦμα, οὐχὶ τὸν χοῦν μόνον.

© 2006 Cooperatorum Veritatis Societas quoad hanc editionem iura omnia asservantur.
0345-0407 - Iohannes Chrysostomus - In Ecclesiasten
Litterarum Omnium Conspectus: 146 Litterae, quae repetitae sunt in 32,901 occasionibus